三大趨勢話你知：港人最愛效率、AI 創作同經典 IP！
Google Play 香港 2025 年度最佳排行榜今年共有 17 款得獎作品，包括 8 款應用程式同 9 款遊戲。Google Play 應用程式及遊戲策略夥伴經理陳曉瑩就話，今年嘅趨勢好明顯，實用與訂閱式應用程式 同 AI 驅動嘅創意工具 各佔一半，而遊戲就以知名 IP、跨裝置同社群功能 為主！等我同大家分析下三大趨勢先：趨勢一：港人最重視效率同生活質素，仲肯課金訂閱！
香港人出名忙，所以能夠提升效率同生活質素嘅 App 特別受歡迎！今次拎到「年度最佳生活幫手應用程式」嘅 八達通 App 就係最佳例子，佢唔單止整合咗本地交通同零售支付，近年仲支援「Google 錢包」同拓展跨境支付功能，即係以後去日本旅行都可以用八達通 App 俾錢，真係方便到爆！
為咗確保交易安全，八達通 App 仲用咗 Google Play Integrity API 技術，每日進行檢查，過去一年已經成功偵測同阻截咗大量潛在欺詐同風險行為，等我哋可以更加安心使用！八達通消費業務及產品部總監葉勁生都話，安全始終係佢哋嘅首要考量，呢個獎項絕對係對團隊嘅一大肯定！
香港用戶重視能提升生活質素與效率的應用程式，而八達通 App 正正是結合實用與創新的代表。八達通 App 讓 Android 用戶無論使用任何品牌手機，都可輕鬆使用手機八達通，並透過信用卡、銀行或八達通銀包增值，確保支付體驗流暢無間。八達通App 亦同時可讓用戶管理交易記錄、網上繳費、收取交通費津貼，以及使用獎賞回贈功能。用戶更可繳交政府和電訊帳單、購買活動門票及進行慈善捐款，一嘟搞掂生活大小事。
為照顧不同客戶的需要，八達通 App 亦支援長者八達通「樂悠咭」及學生交通優惠計劃的申請流程，用戶只需在 App 內按指示操作，即可輕鬆完成申請。。我們亦深明用戶喜愛個人化體驗，因此八達通 App 設有卡面設計商店，用戶可選擇喜愛的卡面圖案，包括日本動漫角色、本地藝術家作品及品牌合作系列，展現個人風格。 當然，我們亦緊隨客戶的腳步，在八達通 App 增設 「旅遊專區」，支付功能已覆蓋中國內地、日本、韓國、泰國等主要地區，無論交通或零售都可隨時隨地輕鬆使用八達通。
另外，香港用家都好樂意為優質服務付費，今次上榜嘅仲有「年度最佳大螢幕應用程式」Goodnotes 同「年度最佳穿戴裝置應用程式」Flo 月經週期及排卵期追蹤器，全部都係訂閱式服務，反映香港市場真係好成熟同有消費力！
趨勢二：AI 革新應用開發，創意 App 推動本地 AI 應用！
生成式 AI 今年真係大爆發！拎到「年度最佳應用程式」嘅 Adobe Firefly: 生成式 AI、 「年度最具娛樂性應用程式」 可靈AI: AI 圖片與影片製作 同「年度最具潛力應用程式」 RoboNeo，全部都係「以自然語言驅動創意」嘅代表，即係用簡單文字指令就可以將你嘅諗法變成現實，真係勁方便！
美國公司首席財務官顏勁良就話，《RoboNeo》結合咗自家技術同 Google 嘅 AI 模型，幫用戶處理相片編輯、平面設計同影片創作，而 Google Play 就為佢哋提供咗一個走向國際嘅平台，等佢哋可以專注提升產品力，更好地服務香港同國際用戶！
趨勢三：經典 IP 遊戲魅力不減，跨裝置支援成關鍵！
遊戲方面，經典 IP 繼續係大贏家！SD 高達 G 世代 永恆 拎到「年度最佳遊戲」，而 Pokémon TCG Pocket 就攞到「年度最佳休閒遊戲」，兩款都係粉絲必玩之作！
隨著玩家對跨裝置遊戲體驗需求增加，今年 Google Play Games（PC 版） 正式推出，讓更多玩家可以在電腦上體驗手機遊戲！好似「年度最佳跨裝置遊戲」 迪士尼無限飛車 - Disney Speedstorm、「年度最佳多人對戰遊戲」 Delta Force 同「年度最佳劇情遊戲」 Once Human 都支援在 Google Play Games（PC 版）上遊玩，等玩家可以喺唔同裝置上無縫切換，真係爽好多！
Google Play 香港 2025 年度最佳排行榜全名單
應用程式類別：- 年度最佳應用程式：Adobe Firefly: 生成式 AI
- 年度最佳生活幫手應用程式：八達通
- 年度最具潛力應用程式：RoboNeo
- 年度最具娛樂性應用程式：可靈AI: AI 圖片與影片製作
- 年度最佳自我提升應用程式：普拉提運動 - 居家運動健身
- 年度最佳大螢幕應用程式：Goodnotes: Notes, docs, PDF
- 年度最佳穿戴裝置應用程式：Flo 月經週期及排卵期追蹤器、懷孕日曆、備孕助手
- 年度最佳跨裝置應用程式：Luminar: 照片編輯器
遊戲類別：
- 年度最佳遊戲：SD 高達 G 世代 永恆
- 年度最佳跨裝置遊戲：迪士尼無限飛車 - Disney Speedstorm
- 年度最佳多人對戰遊戲：Delta Force
- 年度最佳休閒遊戲：Pokémon TCG Pocket
- 年度最佳獨立製作遊戲：哥布林也想談戀愛
- 年度最佳劇情遊戲：Once Human
- 年度最佳持續影響力遊戲：寒霜啟示錄
- 年度最佳 Play Pass 遊戲：DREDGE
- 年度最佳 Google Play Games (PC 版) 遊戲：君主之旅