今次小盾芯 MS08 最大嘅賣點，係佢採用咗革新嘅「半固態電池」技術。 傳統尿袋之所以有安全風險，主要同內部嘅液態鋰離子電池有關，一旦短路，液態電解質容易導致高温起火。而呢款產品就用上納米陶瓷塗層隔膜同高穩定性半固態電解質，官方聲稱即使遇到極端情況，好似針刺、擠壓，甚至用鋸切斷，電池都只會緩慢放電而唔會起火或漏液，達到所謂「汽車級」安全標準。再加上內置 AI 智慧控溫晶片，全程監控溫度，務求令充電過程保持「涼浸浸」，直接解決尿袋發熱呢個長期痛點。
講到實際使用體驗，設計上都相當有心思。 佢採用強力磁吸設計，對於 iPhone 用戶（支援 MagSafe）來講，可以真正做到「一貼即合」，吸附力好強，非常穩陣。Android 用戶亦唔使擔心，跟機會附送磁力引貼片，貼喺手機殼背面即可兼容。機身設計超薄輕巧，放入褲袋或手袋都唔覺累贅，而且符合民航攜帶規定，帶上飛機高鐵都無壓力。功能上同時支援 PD 有線快充同無線磁吸充電，可以幫手機無線充，自己用線充又快，相當靈活。
規格同售價方面，呢款小盾芯 MS08 建議零售價為港幣 $299。呢個咁安全嘅尿袋，會唔會吸引到你立即買返個用呢？
