上網卡點揀好？由單一到三網嘅進化
首先，上網卡嘅選擇，最緊要係穩定同覆蓋廣。喺日本，最可靠嘅網絡係 NTT Docomo、SoftBank 同 KDDI (au) 呢三大台。傳統嘅旅遊 SIM 卡通常只鎖定其中一個網絡，例如專做外國遊客生意、口碑唔錯嘅 Mobal 就用 SoftBank 網絡，而 Sakura Mobile 就用 Docomo 網絡。對於一般城市遊覽，呢啲單網絡卡已經好夠用，服務穩定兼有英文客服，係穩陣之選。但如果你嘅行程會穿梭城市同鄉郊（例如由東京去輕井澤、由大阪去白川鄉，或者玩勻北海道道東），又或者成日搭新幹線長途移動，咁網絡覆蓋同穩定性嘅要求就即刻高好多。呢個時候，一張能夠喺唔同地區自動切換到最強訊號嘅 SIM 卡，價值就即刻浮現。
主打穩定三網嘅 B4travel Plus
近期喺旅人圈中開始多人講嘅 B4travel Plus 日本漫遊數據卡，就係以「穩定可靠網絡快」作為最大賣點。佢最突出嘅地方，係官方聲稱可以同時支援 Docomo、SoftBank 同 KDDI 三大日本網絡。理論上，張卡會根據你所在地點嘅訊號強弱，自動為你揀選當時最穩定、最快嘅網絡連接，務求將「失聯」嘅風險降到最低。對於追求全程網絡順暢、唔想睇地圖時突然 load 空氣嘅朋友，呢個概念確實好吸引。呢張卡使用上好方便，即插即用，唔需要複雜嘅 APN 設定，亦唔使實名登記，仲支援熱點分享，可以同旅伴一齊用。套餐選擇亦好彈性，由 5 日到 30 日都有，數據量由幾 GB 到幾十 GB 任君選擇。以坊間參考價為例，一個 5 日 10GB 嘅套餐大概喺 $128左右，而 7 日 20GB 就大約 $178。佢提供 5G 高速數據，用完指定高速流量後會限速至 384kbps 無限任用，對一般傳訊息、睇地圖都仲勉強夠用。
按這裡有購買連結
旅行必備：一張Suica通行關東，搭車購物無難度
講完上網，另一個必備神器就係交通 IC卡「Suica（西瓜卡）」。佢唔止用嚟搭東京嘅 JR、地鐵、巴士，仲可以喺全國大部份便利店、自動販賣機、連鎖餐廳同車站行李櫃拍卡付款，完全解決找續煩惱。
點樣取得Suica最方便？
最簡單就係出發前，iPhone用家可以直接在「Apple錢包」App內免費新增一張虛擬Suica；部分 Android 手機亦可透過官方「モバイルSuica」App 或 Google 錢包設定。好處係唔怕遺失，亦可用綁定的信用卡隨時線上充值，極度方便。