S25 Ultra $4000 起拍 Poco F5 $600 起
除咗頭先講過嘅兩部手機團購，今次仲有「限時競拍二手靚機」，多款手機會用低價起拍，每次最少加 $10。當中 Google Pixel 3 128GB 由 $500 起，而好似 iPhone X 256GB，起拍價更只需 $450，在文章撰寫時，只被出價過一次，現時叫價 $460。其他比較搶眼的仲有 AirPods Max 1 $700 起、Libero 5G III 更低至 $200 起；如果想玩無人機，DJI NEO 全新港版亦都由 $550 起跳，
不過要留意，以上全部都係起拍價，最終成交價要睇有幾多人落 Bid，唔代表一定可以用起拍價買到。
iPhone、iPad 之後再加入戰團
Goodevice 表示，雙 11 期間仲會有大量 iPhone 以及 iPad 陸續上架參加競拍，所以今次唔係得 Android 機。網站本身目前亦長期有 iPhone、Samsung、Google Pixel 以及其他較冷門型號二手機出售，貨源種類算幾闊。以往千零蚊預算買二手機，多數都係舊款中階機，不過二手市場近年跌價速度愈來愈快，甚至摺機、舊代旗艦都開始跌入兩三千元水平。之前 Goodevice 上架 Nubia Flip 2 128GB 時，二手價亦只需 $1,600。
唔止賣機 舊機亦可以回收
Goodevice 除咗賣二手機、團購同競拍，本身亦有做手機回收。之前我們曾經介紹過佢哋自家開發的全球大數據型號通配引擎（Global Model Matching Engine），最大特色係唔只識 iPhone、Samsung 呢類熱門型號，就連日版、美版、水貨以及較冷門品牌，都可以按照全球二手市場資料進行型號配對及估價。店方另外亦有自家研發的 GoCheck 手機自助回收機，將二手手機的買、賣、回收三部分放埋一齊。對於雙 11 本身想換機的人，亦可以先將舊機放走，查一查 iPhone 17 回收價，再睇下團購或者競拍有冇心水貨。
今次雙 11 最大睇頭始終係價錢，Leitz Phone 3 $1,300、Z Flip 6 $2,200 團購價已經相當進取，加埋 S25 Ultra、Pixel 9 Pro 等較新型號都有低價起拍。如果唔介意二手機，今次雙 11 除咗睇大型網店，二手市場都可以留意一下。
按這裡立即參與拍賣