
$68 有 38GB+2,000 分鐘
以而家不少本地儲值卡來講,門市價 $68 最大賣點唔係數據特別多,而係可以一次過用足一年。38GB 數據攤分 12 個月,大約每月有 3GB 左右,如果本身只係副機、老人機,或者平時大部分時間都有 Wi-Fi,會比較適合。另外仲送 2,000 分鐘香港本地通話,即使唔係重度數據用家,都可以當一張長期保留電話號碼的本地卡使用。
仲有免費 csl. Wi-Fi
張卡亦包括 csl. Wi-Fi 服務,在有相關熱點覆蓋的地方,可以直接連接 Wi-Fi,某程度上亦可以幫手減少流動數據消耗。如果 38GB 數據之後用完,張卡本身亦支援增值,再重新購買數據組合繼續使用。
適合副機、長輩同低用量用家
呢張卡定位其實幾清楚,如果你每日都會大量睇片、開 Hotspot,38GB 用一年當然唔算多;但如果只係想養一個副號碼、畀屋企長輩收 WhatsApp,或者小朋友平時主要連 Wi-Fi,$68 就可以一次過處理一年數據同通話,成本相當低。尤其對本身唔需要月費 Plan 的用家,年卡最大好處就係買完之後唔使每個月再交月費。
現時 門市價 $68、網店價 $78,包括 38GB 4G 本地數據、2,000 分鐘本地通話以及 csl. Wi-Fi 服務,有效期為 365 日。
報價查詢:Gadget Hero