![Onkyo(Facebook).jpg Onkyo(Facebook).jpg](http://timgm.eprice.com.hk/hk/mobile/img/2017-02/28/207700/prince1025_1_e721cf9e7bbac263fceda62768a32944.jpg)
支持 3.5mm + 2.5mm 平衡輸出!Onkyo DP-CMX1 水貨抵港,開價八千!
唔講咁多,直接講價錢,Onkyo DP-CMX1 第一水賣價為 $7980,差不多成八千蚊,可以換到一部點樣嘅手機呢?DP-CMX1 係一部喺音質方面超級屈機的手機,用上兩粒 ESS ES9018C2M DAC 晶片以及 ES9601K 擴大晶片,並且同時支持 3.5mm 以及 2.5mm 平衡輸出,前者可以對應 16Ω 至 600Ω 的耳機,而後者則可以對應 32Ω 至 600Ω 的耳機,講音質,肯定在手機界來說,無機能及 (包括 LG V20)。另外,DP-CMX1 可以支持 DSD 11.2MHz 以及 24bit 384kHz 的 WAV、FLAC 等格式,並具有四段增益控制。![17078054_397525770606235_402929097_n.jpg 17078054_397525770606235_402929097_n.jpg](http://timgm.eprice.com.hk/hk/mobile/img/2017-02/28/207700/prince1025_3_9b98c7b88e9ff8ec5e8b33599c67c8e5.jpg)
內置 128GB ROM,有三千電支持快充!外型似專業音樂播放器!
硬體配置方面,Onkyo DP-CMX1 採用了 5 吋 FHD 屏幕,整體設計雖然係型,但版主上手拎過,初步感覺是比較笨重同埋偏厚,音量控制同一般手機不同,係以旋轉式的設於機背位置,而側面除左有開關鍵之外,同時亦好似市面的音樂播放器咁,有播放、下一曲、暫停等控制鍵 (真心覺得好正呀~香港行貨預計三月中到,估價約五千!
至於香港會唔會賣呢?版主收到風: 一定會!預計大概 3 月中左右會在香港推出,但賣價幾錢呢?就暫時未知,不過睇番日本售價 84800 日圓,估計黎到香港大約 5 千蚊左右啦~唔知呢部 Onkyo DP-CMX1,網友又覺得正唔正呢?如果行貨真係五千幾,你會唔會考慮入手?留言討論下啦!俾多啲 Onkyo DP-CMX1 上手圖大家睇下啦:
![17035613_397525653939580_232511375_n.jpg 17035613_397525653939580_232511375_n.jpg](http://timgm.eprice.com.hk/hk/mobile/img/2017-02/28/207700/prince1025_3_d82f56dad5182e8a4f392cb59608c71a.jpg)
▲ 配備了 5 吋 FHD 屏幕,整體成部機好似好笨重咁,但係型嘅~
![17092112_397525713939574_258469553_n.jpg 17092112_397525713939574_258469553_n.jpg](http://timgm.eprice.com.hk/hk/mobile/img/2017-02/28/207700/prince1025_3_ab69897ae3244705ab12d9f81eee56e2.jpg)
▲ 上方有 800 萬像素的前置相機,唔算差啦!
![17093071_397525630606249_1491194258_o.jpg 17093071_397525630606249_1491194258_o.jpg](http://timgm.eprice.com.hk/hk/mobile/img/2017-02/28/207700/prince1025_3_0414fa807a1157cf4d5c692327de9383.jpg)
▲ 左下角會見到寫住 HIGH-RESOULUTION AUDIO 的字樣。
![17077867_397525663939579_240475147_n.jpg 17077867_397525663939579_240475147_n.jpg](http://timgm.eprice.com.hk/hk/mobile/img/2017-02/28/207700/prince1025_3_ff1c9963db5ccbeeaee7445648d7c54b.jpg)
▲ 背後上方會見到有 1600 萬像素的主鏡頭,而側邊會見到圓形旋轉式音量控制。
![17094064_397525680606244_582221006_n.jpg 17094064_397525680606244_582221006_n.jpg](http://timgm.eprice.com.hk/hk/mobile/img/2017-02/28/207700/prince1025_3_0b9949a543020cbca36ea05749815d6c.jpg)
▲ 而下方會有 TWIN DAC 的字樣。
![17077760_397525747272904_1281639023_n.jpg 17077760_397525747272904_1281639023_n.jpg](http://timgm.eprice.com.hk/hk/mobile/img/2017-02/28/207700/prince1025_3_c20a4761eb6bd45328b834bc5ac1532f.jpg)
▲ 機身側面會好似專業音樂播放機咁,有播放、暫停、上一曲、下一曲、開關等按鍵。而最上方亦有個 HOLD 嘅制,開左佢就可以一直 lock 住個 screen,等你點郁都郁唔到佢。
![17028757_397537517271727_1149396020_n.jpg 17028757_397537517271727_1149396020_n.jpg](http://timgm.eprice.com.hk/hk/mobile/img/2017-02/28/207700/prince1025_3_bb385afe625aee7faf562d37fdfff474.jpg)
▲ 唯一缺點就係機身比較偏厚。上圖係同三星 S7 Edge 的比較。
![17078464_397525730606239_1721749_n.jpg 17078464_397525730606239_1721749_n.jpg](http://timgm.eprice.com.hk/hk/mobile/img/2017-02/28/207700/prince1025_3_95647186575dd23d572f0a09db7b0bee.jpg)
▲ 底部會有 USB 插槽以及喇叭。
![17078338_397525760606236_1712708236_n.jpg 17078338_397525760606236_1712708236_n.jpg](http://timgm.eprice.com.hk/hk/mobile/img/2017-02/28/207700/prince1025_3_b1277526613097b367057d933c628785.jpg)
▲ 而頂部就有 3.5mm 以及 2.5mm 輸出。版主手頭上沒有耳機,所以想試都無得試,不過都有開過 YouTube 播過音樂,覺得推力都好充足,音量夠大聲之餘,而且都好清晰。唔知網友對呢部機有無興趣呢?
鳴謝及查詢:三禾電氣23740618 (旺角) 23740718 (銅鑼灣)