就呢個問題，版主 Eddie 立即去 Sun Mobile 門市問過。Sun Mobile 門市證實「隨你用」限速上網用家，係有機會升級用 4G 網絡。不過，今次升級，唔係全部客戶立即升，門市人員用了「特選客戶」來形容。咁樣係乜準則，佢地又話係「Random」隨機揀出來。總之，你好采的話，手上有 4G LTE 手機，又用緊 Sun Mobile 的限速上網計劃，可能今日已有機會連接至 4G 網絡了。
接通 4G 有乜好？網友吳先生傳送了一張 OFCA Speedtest 的截圖，可見係 csl. 4G 網絡下，下載與上傳速度，都比起用 3G 網絡限速計劃說明的 384kbps 為快。而下載速度達 700kbps ，跟中國移動香港 CMHK 儲值卡 4G Lite 速度一樣。事實上，4G 頻寬比較闊，用來上網會比留係 3G 網絡，感覺會順好多，雖然都係唔過 1Mbps 的限制速度。此外，要留意 Sun Mobile 呢個限速上網計劃「隨意用數據計劃」雖然係無限上網，但每月用量只有 2GB，之後限速 128kbps， 跟 CMHK 的 Lite Data，真正無限上網唔同。
值得留意，版主問過今次網絡及上網速度升級，不會改變合約條款，不用加錢加約。若果你係其中未轉為每月 2GB 用量後限速 128kbps 的新計劃，但一樣升到級，你會繼續可以用呢個速度，無限上網至改簽新合約。
▲ 網友吳先生傳來的測速圖片，可見係 Sun Mobile 限速下，可以接上 4G 網絡，速度亦有超過 700kbps 高速，唔係 384kbps 咁慢。