毀約轉台 點都有賺！網絡商「搶客戰」，可以去到幾盡？

左定坤 (Cho Ting Kwan) 2017-10-10 20:16 | Csl

記得前排 HKBN 開記者會，推出最平 $218 + $80 彈性無限數據 Plan，老老豆豆我自己用緊 HKBN 5GB 42M 企業 Plan，果一刻我係好想 upgrade 上去。於是乎，記者會第二日晚，我就立即打電話上 Hotline，諗住問下自己人升級可唔可以有 $30 回贈。點知，用家居電話 /  寬頻有優惠，但居然本身用緊 HKBN 流動數據計劃嘅就無優惠，咁版主當然就唔 upgrade 啦！最近見到 csl. 推出左「HKBN 毀約轉台」搶客優惠，我用緊 HKBN 轉台過去，基本上係必賺，保守估計我會有 9 成機會轉過去 csl.，你又點睇呢？



到底有乜原因令我好想轉台過去 csl. 呢？一來我自己 HKBN 合約去到下年 12 月，即起碼仲有 14 個月約，走又唔係，因為走要賠錢，但唔走又只係每個月得 5GB，成日用爆跌落地獄速。所以果陣見 HKBN 咁平，我已經想升級，但因為無回贈逼我唔使升，慳番，而家 csl. 推出了搶客優惠，只要你係 HKBN 客戶，在 10 月 31 日或之前轉台去 csl.，就可以享有每月 $96 回贈，即總共 $2304，幫你俾埋毀約金。



就以版主自己個 case 為例，而家毀約轉台的話，14 個月大約要賠 $1624 ($98 月費 + $18 行政費 = $116 / 月)，但因為轉台去 csl. 可以回贈返 $2304，所以去到最後我係點都有賺，連行政費平均月費係咁計的：

[($298 月費 + $18 行政費) x 24 + $1624 毀約金 - $2304 轉台回贈] / 24 = $287.7

抵唔抵？其實對比其他網絡商來說，呢個價已經係好抵，好抵。不過，比個 Tips 大家，呢個轉台優惠，同樣適用於街站，有辦法可以做到 $142 享真無限數據。詳情版主在這裡就不方便透露，有興趣的話可自行向 csl. 街站查詢。用緊 HKBN 的網友，會否考慮轉台呢？