習慣買美加 SIM 卡一定要去深水埗？現在可以改改了。因為兩大電訊商 CSL 和中國移動香港早前都推出了美加儲值卡，而且有唔少優點。首先只需要到電訊商門市或者 7-11 便利店就可以買得到，毋須再特登走落深水埗。以往喺深水埗攤檔銷售的美加儲值卡多數使用 T-Mobile 網絡，要用到 4G 網絡就要帶 iPhone 出門先得，不過現在 CSL 和中移動的美加儲值卡則是用 AT&T 的網絡，只要手機支援 Band 1 就可以喺美國 Roaming 到，大部份近期推出的 Android 手機都冇問題。
CSL 的美加澳紐漫遊數據卡（15 日）費用 HK$268，本身漫遊數據量為 3GB，但在 6 月 30 日優惠期內會升級至 5GB 漫遊數據。至於中移動的 4G/3G 美加 15 日儲值卡售價為 HK$288（網購價 HK$128），流動數據量為 3GB，之後則為 128Kbps。網友可能會話某某美加卡深水埗買仲抵，不過 7-11 同電訊商門市都買到夠晒方便，加上唔使 iPhone 就用到 4G 上網，去得旅行都唔差在一百幾十了。
資料來源：CSL / 中國移動香港