主題:csl 推「WeChat Go Club SIM 樂遊卡」合法!免數據!睇 廣東體育台

ePrice HK
  • 發表時間:2018-05-01 17:09 收錄檢舉
    今年電訊界最熱門話題,相信係兩大網絡商力推唔駛簽約上台嘅 SIM 卡。數碼通狂花廣告費催谷「雀 SIM」「自由鳥」,csl. 就係門市及網站媒介力推 Club SIM。後者出卡送漫遊數據、送 5GB 本地不限速用量係人都知。最近有新攪作,推出新版:「WeChat Go Club SIM 樂遊卡」,呢張卡最大賣點唔係 WeChat 數據任用 (相信大部份 ePrice 網友都唔用 WeChat,係咪?),反而係免翻牆、免本地數據,睇到球迷必愛嘅「廣東體育台」。

    「WeChat Go Club SIM 樂遊卡」合法!免數據!睇 廣東體育台


    「WeChat Go Club SIM 樂遊卡」唔知點解仲用 WeChat 牌頭,根據 csl 官方資料,呢張卡 Target 中國大陸訪港旅客,不過來到香港微信都要叫番 WeChat 是理所當然嘅事,係咪先?呢張對像為訪港旅客嘅儲值卡,「WeChat Go Club SIM樂遊卡」五月中開始,透過 csl. 專門店、透過 The Club 網頁 www.theclub.com.hk 或 The Club app 購買,賣價為 HK$88。裡面包括:

    -   免香港本地流動數據使用微信
    -   8天 8GB 香港本地流動數據用量
    -   無限香港本地通話
    -   200分鐘國際長途電話(只限香港直撥致中國內地號碼)
    -   免費 8 天 Lingcod TV VIP會籍,免本地流動數據串流當中內容


    呢張卡有兩個好有趣嘅發現。首先,csl 明明同香港旅遊發展局合作有兩張針對訪港旅客嘅儲值卡,但呢張 Target 中國大陸旅客,平好多!咁呢張卡又無規定乜國家嘅人先可以買,若果你幫到訪香港朋友買卡,又堅持要用 csl 網絡,咁你唔會買錯啦!

    「WeChat Go Club SIM 樂遊卡」合法!免數據!睇 廣東體育台「WeChat Go Club SIM 樂遊卡」合法!免數據!睇 廣東體育台
    ▲ 左:樂遊卡,右:香港任縱橫,可見右者收費相同,但包括數據少好多。

    另一個有趣嘅係跟卡送了八日  Lingcod TV VIP 會籍,仲免本地數據任睇裡面視頻內容。Lingcod TV 係乜先?你當佢係己經係香港結業嘅「樂視」類似 OTT 電視服務。之前,你可以付款係「樂視」app 睇好多劇集與電影,Lingcod TV 都係,不過全部簡體字幕及普通話原音播出,但劇碼都唔差,版主睇過,DVD 都未出嘅「捉妖記2」,佢已經熱播中,仲有收費電視播緊,係大陸紅到爆嘅,由我不知道他是誰的陳偉霆做主角嘅「南方有喬木」都有得睇。

    呢 D 都未必係 ePrice 網友所要嘅,反而版主發現:

    原來「Lingcod TV」VIP 會員,可以係直播頻道睇到「廣東體育台」。大家都知「廣東體育台」不但睇到 NBA 甚至英超部份直播!重點係:有廣東話評述!

    「WeChat Go Club SIM 樂遊卡」合法!免數據!睇 廣東體育台

    $88 包晒直播數據,八天任睇,又唔駛簽約,試下無死?
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2018-05-03 11:51 檢舉
    關鍵有何輝講波,可惜無丁偉傑,差左D野甘
    02樓 ▲TOP 回列表頁