主題:全新旅遊上網 Club SIM!$88 有 6 日中國無限翻牆 (包日本及亞洲)

ePrice HK
  • 發表時間:2018-05-04 13:07 收錄檢舉
    最近經過 7-11 便利店,發現貼住一張海報,表示有一張全新的 csl. Club SIM,在 7-11 便利店有售喎。同舊果張有甚麼不同呢?最主要的差別是,呢張 Club SIM 係主打旅遊用的,係俾網友去到指定亞太地區,例如日本、中國、韓國時,可以買來當漫遊 SIM 用,$88 最多可以享有 6 日漫遊數據,平均 $14.7 / 日,平過普通 Club SIM 買 Daypass,睇落都算幾抵玩。想了解詳情,睇下文啦!

    全新旅遊上網 Club SIM!$88 有 6 日中國無限翻牆 (包日本及亞洲)

    根據 7-11 便利店的海報,呢張全新 csl. 旅遊 Club SIM,係在 2/5 起至 15/5 期間有售,不過版主昨日去過旺角 6 間 + 大埔 2 間 7-11 分店問過,全部都未有返貨,可能要今日,或者再過多幾日,才會有得買。不過都唔緊要,先了解一下呢張新 SIM 詳情,亦無妨。

    全新旅遊上網 Club SIM!$88 有 6 日中國無限翻牆 (包日本及亞洲)

    以為淨係 7-11 先至有,誰料剛剛從官網上發現,原來 OK、VinGO、csl.、1010 等都會有得賣,但有無貨,就要四處問下先知。

    卡價 $88,你可以見到張 SIM 係採用了天藍色的包裝,上面寫着「#旅遊Club你開SIM」,只要購買呢張 SIM,就可以享有 4 日亞太區 4G 漫遊數據,當中包括有中國、日本、韓國、台灣、泰國等地區,以落地起計算 24 小時任用,而唔係好似某些儲值卡咁,過咗 23:59 就當一日,每日旅遊數據用量為 500MB,500MB 之後就會限速至不高於 256kbps,對比起 128kbps 速度來說,256kbps 會相對勉強仲用得到。

    咁都係 4 日咋喎,版主你又話有 $88 有 6 日嘅?果兩日其實係 for 新客戶的 Bonus 來,只要申請 Club SIM 會員,就可以額外獲得 2 日漫遊數據,加埋就有 6 日任用囉!當你本身已經係舊客戶,$88 4 日亞太區數據,平均計返都係 $22 一日,平過你普通 Club SIM 買 Daypass (正價 $28 / 日)。呢張 SIM,又係唔係短途旅行人士的福音呢?你又覺得抵唔抵呢?

    賣價:$88
    數據用量:4 日亞太區漫遊數據 包中國,每日 500MB,500MB 後限速至不高於 256kbps
    額外獎賞:新登記 Club SIM 會員多送 2 日漫遊數據
    購買地點:7-11、OK、VinGo、The Club、1010、csl.

    立即加入Facebook 專頁,新聞/消息/優惠,最快知。

    01樓 ▲TOP 回列表頁