主題:iPhone XS 賣街前好上台!csl.、SUN Mobile 將加價

ePrice HK
  • 發表時間:2018-09-14 21:06 收錄檢舉
    講到全速 4.5G 無限上網月費排行榜,現時最平價的月費計劃,應該是中國移動香港 CMHK 的 $168 Plan,而僅次於 CMHK 的,應該是 csl.,$180 有任用數據不過就要另外加 $18 行政費。然而,早幾日版主收到風,香港電訊旗下的 csl.、1010、SUN Mobile,將會加價,但當時因為未有確實資料,所以一直未同大家講。今日,csl. 發出了新聞稿,表示 csl.、1010 將會出新 Plan,亦都進一步確實我收到的消息。想知詳情,睇下文啦!

    iPhone XS 賣街前好上台!csl.、SUN Mobile 將加價
     

    街站 sales 爆料: csl.、SUN Mobile 20/9 將大幅加價

    版主早前透過出面街站 sales 收到風,得知 csl.、SUN Mobile 將會於 9 月 20 日加價,不過當時 sales 就表示,會點加價未知,加幾多未知,總之就係會加價,而且加價幅度都幾多,淨係知咁多。亦即係話,現時 csl. $118 / 5GB 21M、$180 無限全速數據等 Plan 將會完結,而 SUN Mobile 門市的 $78 / 5GB 21M Plan,亦都貼上了「最後 X 日」的貼紙,所以版主收到的風,都應該很準確。

    iPhone XS 賣街前好上台!csl.、SUN Mobile 將加價
    ▲ 上面張相尋日影的,應該今日變最後 7 日。
     

    csl.、1010 宣佈出新 Plan,數據用量 5GB 起跳

    同時,csl. 今日發出了新聞稿,表示將會在 21/9 出新 Plan,由原來官網的 1GB / 2.5GB / 6GB / 10GB Plan,改為 5GB / 8GB / 12GB 以及 20GB Plan,最低數據用量變成了 5GB。另外,原本 6GB Plan 會送「用量王」享無限數據,原價 $298 但實際 $198 (連行政費) 就可以 Join 到,而家變成要 12GB Plan 以上仲要加 $50 先可以升級到「用量王」,連埋行政費要 $366 先 Join 到無限上網,加價近 1 倍,不過就會送 2GB 大陸數據 + 「86 易」服務 (送一個內地號碼),咁貴,真係要趁佢加價之前好快啲上台。

    csl. 變相加咗價,咁 1010 又有無加價呢?答案係有!新 Plan 將會提供 8GB、12GB、20GB 三種選擇,以往要上無限數據,月費都要 $357(送 $150 用量王),加埋行政費最平要 $375 先 Join 到,而家無限數據最低門檻則變成了 $457 (連行政費),唔知你哋仲會唔會考慮?

    至於 SUN Mobile 新 Plan 係點,則暫時未有消息,但加價一事相信是必然發生。你又點睇呢?
     

    簡單來說......

    csl. 全速無限上網 $198 → $366 (連行政費)
    1010 全速無限上網 $375 → $457 (連行政費)
    SUN Mobile 5GB 21M 數據 $96 → ???

     

    以下為 csl.、1010 新 Plan 資料

    iPhone XS 賣街前好上台!csl.、SUN Mobile 將加價

    iPhone XS 賣街前好上台!csl.、SUN Mobile 將加價
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁