早喺政府開始接受登記電子消費券之前,四大電子支付平台 (包括 Tap & Go 拍住賞、八達通、Alipay HK 以及 WeChat Pay HK),都已經推出佢哋大部分嘅優惠。而開始接受登記之後,係咪完全再無新優惠出?唔係,只不過無之前出得咁多。最近,如果你係 SUN Mobile 客戶,你會收到個 SMS,同你講關於消費券嘅優惠資訊。想知詳情,睇下文啦!
由即日起至 2021 年 10 月 31 日,只要你係 SUN Mobile 指定月費計劃的客戶,成功以 Tap & Go 登記領取電子消費券,收到成功登記確認嘅 SMS 並將呢段 SMS 提交返畀 SUN Mobile,就可以由 8 月 1 日截數日起開始計算,免費享有 3 個月雙倍數據。對於 SUN Mobile 嘅客戶嚟講,呢個你又覺得係咪好消息呢?留言討論一下啦!