$150 MNP csl. HK Mobile 年卡，送 $38 儲值額 + 2000 通話分鐘
簡單講返先，呢張 csl. 出品 HK Mobile 年卡你係可以揀，到底要開新號碼，定係 MNP 攜號轉台，前者賣價為 $115，而後者賣價則為 $150，即係畀多 $35 作為攜號轉台嘅手續費。而呢個費用，現時係包咗 70GB 42Mbps 數據，並且包 2000 通話分鐘，而攜號轉台仲會再多 $38 儲值額，開卡後有效期為 365 日。嗰 $38 可以點用？之前有媒體就教，可以用 $38 去開通 1GB 嘅 1 年 Plan，咁就變相可以延長多一年有效期，$150 玩 2 年。但呢個方法，只係適用於低用量嘅用家，因為如果唔係，1GB 好難用到一年，最後咪一樣要加錢增值，去加購其他數據 Plan。
年卡以外新增值 Plan 選擇，$88 用 60 日有 200GB 數據
所以，如果高用量嘅用家，又可以有乜玩法？最近 HK Mobile 就推新 Plan，$88 可用 60 日，即係 2 個月，有 100GB 42Mbps 可以用，100GB 後可以 512Kbps 速度繼續無限上網，同樣送 2000 通話分鐘。另外，喺 23:00 - 07:00 期間，又一樣有 100GB 數據可以用，呢段時間速度為 21Mbps，用完 100GB 同樣會限速至 512Kbps。變相 $88，就有 200GB 數據可以用 2 個月，呢個價錢網友又點睇呢？不過咁，頭先講過，張卡本身買返嚟，得 $38 餘額，所以你係需要自行購買 Hemat 儲值券增值，而本身買 Hemat 券已經會送 30% 儲值額，即係 $20 會有 $26，$50 會有 $65，$100 會有 $130，有網店仲做緊買二送一優惠，買兩張 $20 Hemat 儲值券，會送多一張，變相 $40 成本價，有 $78 儲值額，再加上原本張 SIM 餘額 $38，即加多 $40 就有 200GB 兩個月可以用。
高用量玩法如下：
| 價錢 | 內容 |
| $118 / $150 | 新號碼 / 攜號轉台 70GB 年卡 (有效期 365 日)，有 $38 餘額。 |
| $280 | $546 儲值額 ($20 Hemat 增值券網店買二送一，即是一套為 $40 有 $78 儲值額，買夠 7 套，即 $280 就有 $546 儲值額。) 因為 $88 可以用兩個月，所以一年就係 $528，買 7 套就等於可以開夠一年嘅 Plan，並且平均每個月都有 100GB 數據可以用)。 |
換句話說，假設你是開新卡，連隨一開始買卡的 $118，總成本為 $395，平均每個月 $33，就有 100GB 數據可以用，再加埋卡本身的 70GB 數據，即係平均每個月有 106GB 數據，就咁睇，又係咪抵玩呢？