Tap & Go 推「電子利是」!限時半價睇 Now E,即 Join?

左定坤 (Cho Ting Kwan) | Csl
就快農曆新年,最近都好多銀行推出「派利是」相關的優惠,例如最近好 Hit 用 PayMe 派「群組利是」,一班人搶利是拎到不同金額的開運利是之外,派利是果個仲有機會可以拎到 3 張 $28 優惠劵,等你買滿 $50 可以使用。而另一款手機錢包 Tap & Go,今日就推出「電子利是」,而且仲可以「半價」睇 Now E!

由 2022 年 1 月 28 日起,Tap & Go 「拍住賞」用戶可以喺手機銀包派電子利是畀已登記 Tap & Go「拍住賞」帳戶或者「轉數快」嘅親友,並傳訊息以及分享利是 link,向對方送上祝福。用戶可以揀選鍾意嘅虎年利是封,加入預設或者自訂祝福語,將唔同面值嘅鈔票圖像拉入利是封內或者自訂好意頭金額,同時可自由選擇派發單封或者雙封利是畀親友。除咗派利是,年滿 11 歲或以上嘅用戶,亦可以喺手機錢包內用專屬 QR Code 向親友線上拜年「逗利是」。

另外,由 1 月 24 日至 2月 28 日,Tap & Go「拍住賞」用戶透過手機錢包嘅專屬 Link 成功訂購 Now E「連環娛樂組合月費計劃」(價值月費 $78),就可以獲得額外一個月通行證優惠代碼,你可以分享畀你嘅親友,成功兌換之後親友就可以 30 日內免費收睇 Now E「連環娛樂組合」,咁如果你同朋友夾,變相咪半價可以睇 Now E 囉。你又會唔會課金呢?
 
廣告