csl. HK Mobi SIM 基本玩法：開卡免費送一個月 50GB 42Mbps 數據
講進階玩法之前，首先同大家分享下呢張 csl. HK Mobi SIM 基本資料先。呢張 SIM 網店賣緊 $30，開卡即送一個月 50GB 數據，網絡速度為 42Mbps，而用完 50GB 之後，仲可以繼續以 3.6Mbps 速度無限上網。出面好多 SIM 就算話無限上網，好多時都係 128Kbps 地獄速，咁如果有 3.6Mbps 速度，都叫做可以接受到。而用完免費送嘅一個月 50GB 之後，餘額尚餘 $38，可以考慮增值 Join 其他 Plan 繼續使用，其他服務計劃包括有：
進階玩法：$18 / 月享 5 個月 50GB 42Mbps + 3.6Mbps 無限上網
講完基本玩法，就要講下進階玩法，教你點樣做到 $18 / 月享有無限上網。你需要三樣嘢，HK Mobi SIM、HK Mobi SIM 同 HK Mobi SIM，講三次即係話買三張，Total $90。點解買三張就可以變成 $18 一個月？計返上嚟即係用到 5 個月？點做到？呢個情況就需要用到「射錢」。而識得「射錢」之前，有兩個射錢規則你要知道：
(1) 射還射，張卡要有至少 $10；
(2) 每次射錢都要係 5 嘅倍數，例如 $5、$10 等等。
射錢方法：*101*電話號碼*錢＃
而玩法就係咁：
第一張 SIM ($30)：免費用完一個月 50GB 42Mbps 數據，餘額有 $38；
第二張 SIM ($30)：一樣，都係免費用完一個月 50GB 42Mbps 數據，餘額有 $38；
第三張 SIM ($30)：又係免費用完一個月 50GB 42Mbps 數據，然後因為有射錢的功能，可以將第一張 SIM 同第二張 SIM 餘額射畀第三張 SIM 用。但基於我上面講過兩個射錢規則，所以你每張 SIM 最多只可以射 $25，射完之後最終第三張 SIM 會有 $88，可以夠開 60 日 50GB FUP 無限上網 Plan。
所以加起上來 Total $90 即是用到 5 個月，每月有 50GB 數據 (因為就算 $88 兩個月，寫住 50GB，但其實每 30 日會重新計算，所以都係一樣每月有 50GB，速度則為 42Mpbs，用完繼續 3.6Mbps 無限上網)，平均 $18 / 月。
查詢：超譯