乜嘢係 AR 睇波 - 透過《csl. 5G Lens》安裝 世界盃體驗 App
以前睇波，其實好單向，電視機播乜你睇乜，評述員俾乜你收乜。現在是「知識世代」人人都是專家，我都係專業評述員！要做到咁，今次 nowTV 做到俾你睇。只要你係 nowTV 或者 now E 世界盃 2022 嘅訂戶，可經《csl. 5G Lens》App 的連結內下載《Now AR - FIFA 世界盃》App，可以講係球賽直播及重温嘅輔助工具。球賽數據會跳出電視框，用 AR 投射 3D 球場係你手機之內，並會顯示大量賽事數據，你仲可以用上帝視角睇住每個球員嘅戰術走位，無論球員佈局同走位，罰球數據、射門數字都一一顯示！可以講係世界盃嘅全新睇法！如何使用？初次使用步驟
首先當然我要申請咗世界盃 2022 pass，再經《csl. 5G Lens》App 的連結，下載《Now AR - FIFA 世界盃》App。下載完之後，你要開放相機使用權限，再登入你嘅 now TV 或者 now E 帳號登入。測試當日是 11 月 20 日，第一場係「卡塔爾 VS 厄瓜多爾」，所以我哋可以去返該場次，按下「選擇此賽事」，然後按「開始」。
可以選擇登入方式：Now TV / Now E。
進入會見到賽程，選擇球賽，然後按開始。
在平面上進行 AR 掃描，然後放置足球場。
之後就可以開始「上帝角度」用 AR 看球賽，同時有畫中畫視窗可以看現場直播。《Now AR - FIFA 世界盃》實測
賽前傳聞卡塔爾會贏？
記得世界盃球賽開波之前，坊間有傳今仗卡塔爾會喺下半場以 1:0 勝出，我心諗，下，卡塔爾睇返實力應該比厄瓜多爾弱，但居然話卡塔爾會贏？咁我都想知，傳聞傳出嚟嘅，到底係咪屬實，於是尋晚我就一邊睇住電視 Live，一邊拎住手機，開住 Now AR App，用上帝視角去睇住各個球員嘅走位。
明明 2 分幾鐘入波，最後居然食詐糊！即刻多角度睇下係咪真係越位
其實喺賽事開始之前，我都有研究下 Now AR 呢個 App，睇下兩隊球員嘅資料，睇下雙方有乜陣容。當然，你要使用呢個 AR 模式，首先你就要將虛擬嘅足球場，放置喺一個平面上，而我就將一張枱面，變身成為足球場。賽事開始大約 2 分鐘，就已經有入波，但入波嘅唔係卡塔爾，而係厄瓜多爾嘅隊長安拿華倫西亞，頭頂入球，以為短短 3 分鐘唔夠，已經證明到傳聞係假嘅，點知去到 5 分鐘左右，VAR 就判斷話係詐糊，原來係 11 號嘅米高艾斯查達越位喎，而睇住電視直播，無錯佢係有播返慢鏡出嚟，但居然無畫越位線，咁你話越位就越位㗎喇？唔係淨係我，都仲有唔少人質疑㗎！
好在，Now AR App 有個叫「節目點播」嘅功能，可以睇返同賽事相關嘅點播影片精華內容，可以揀唔同嘅角度，去睇返入波嗰陣發生過乜事，咁當時影片出爐之後，我都即刻逐個角度，去睇下到底係咪真係越位啦！其實我自己睇就唔係太覺，不過我唔係專業，唔評論太多，VAR 判斷係越位，話 11 號嘅艾斯查達右腳突出咗少少，咁唯有認囉，但真係激鬼氣。
開波 16 分鐘 傳聞不攻自破
以為成場賽事繼續跟住「劇本」走，去到 16 分鐘，又畀厄瓜多爾隊長安拿華倫西亞搏到 12 碼，拉開比數 0:1！去到呢個 moment，傳聞不攻自破。去到 31 分左右，安拿華倫西亞梅開二度，再入多球，比分 0:2，最後就一直 0:2 去到完場。
睇住電視 Live 都要用 Now AR App！上帝視角睇走位 + 隨時查數據勁方便！
點解我成個過程入面，明明我都一直睇住電視 Live，但我都想同時用 Now AR App，去睇場賽事呢？除咗好似頭先所講，我可以用上帝視角去睇戰術走位，球員佈局，最重要係，呢個 App 可以畀我睇到一啲球賽嘅即場數據，例如我可以比較一下兩隊球隊整體進攻次數，命中幾多次，傳波準唔準，防守好唔好，雖然電視機直播間唔中都會顯示呢啲數據，但用 Now AR App 好處係，隨時想睇都得，唔使等電視台或者評述員「餵」畀你。
中途行開咗？時間線話你知有乜重要事件
一場波成 90 分鐘咁耐，仲未計加時呢樣嗰樣，有時睇睇下波都會想去個洗手間，咁想知道行開咗嘅時候有無咩大事發生呢？我打返開 Now AR App，撳入去時間線，就會見到，到底有無人入咗波，換咗乜嘢人，有無人畀人罰咗黃牌，甚至紅牌離場。
仲有就係，見到安拿華倫西亞連入兩球，好似好勁咁，令我對佢有啲興趣！於是乎趁住空檔未有嘢睇嗰陣，我都即時去 Now AR App 睇下，到底呢個隊長係咩料子！Now AR App 可以畀我隨時選擇個別球員，睇返佢哋嘅數據，從數據顯示，佢射門 2 次，但 2 次都成球入球，而且防守方面，亦都有 3 次令對方失球，睇返佢個人資料，原來佢已經 33 歲，入球次數 35 次，今次賽事可以入到 2 球，睇得出佢仲係寶刀未老！勁呀！
唔得閒睇唔緊要！原來 Now AR App 有得睇返重播！
睇完場波，去到今朝起身發現，原來去返 Now AR App 有得睇返重播！由現場直播影片，以至 AR 走位數據等等，都可以重新再睇返！如果錯過咗尋晚精彩賽事，可以隨時睇返都幾正！令你可以更全面咁去睇波，以及分析球賽！
csl. 送你免費 AR 世界盃體驗通行證
如果大家想免費試玩，csl. 會透過 csl 5G Lens App 派發免費體驗通行證，大家可以 Download 定先同留意 csl. 嘅宣傳啦！csl. 客戶專享 2022 世界盃直播通行證優惠 睇盡 64 場 AR 世界盃
如果你都係足球迷，特別好想睇世界盃，可以點樣申請呢？如果你係 csl 新上台及現有客戶，只需選購或續約指定 5G 服務計劃，即可以 $580 或 2000 Club 積分，收看 64 場 4K 精彩賽事；而其他客戶購買 Now E FIFA 世界盃 2022 通行證，則需要一次性收費 $1180。
當你選用了 Now E FIFA 世界盃 2022 通行證後，下載《Now AR - FIFA 世界盃》應用程式，就可以用以上全新嘅 AR 體驗，觀看精彩嘅球賽賽事。
按這裡立即申請「Now E FIFA 世界盃 2022 通行證收費詳情」
