csl HK Mobile 四地年卡升級！數據用量增加 33%，都只係賣呢個價

左定坤 (Cho Ting Kwan) 2023-08-17 21:11 | Csl

講到年卡，好多人都係買本地為主，不過其實市場有好多唔同類型包埋漫遊數據嘅年卡，例如有些年卡係包中港澳台四地數據，而今次我想分享嘅，就係呢種，出自 csl. 旗下嘅 HK Mobile，最近佢哋嘅中港澳台四地年卡升級，數據用量增加咗 33%！想知詳情，睇下文啦！

升級！HK Mobile 四地年卡 數據用量增加 33%

今次要分享嘅，係出自 csl HK Mobile 嘅「4G 中國、澳門、台灣、香港 365 日漫遊數據卡」，原本係包括 12GB + 12GB 數據，點解叫做 12GB + 12GB，因為當中有 12GB 係香港數據，而另外 12GB 係中國、澳門、台灣共用數據，所以加起來有 24GB。

不過，最近佢哋就將呢張四地年卡升級，新開卡會將香港數據由 12GB 提升到 20GB，而中國、澳門、台灣共用數據，則保持 12GB 不變，變相加起來變成 32GB 四地收據。開卡另包 2000 本地通話分鐘，尚餘 $38 餘額可以做啲乜，可以用 $28 添加 20 分鐘中國及澳門通話分鐘。

至於呢張卡賣幾錢？呢張 HK Mobile「4G 中國、澳門、台灣、香港 365 日漫遊數據卡」，根據一間專賣儲值卡的網店報價，現時最新賣價 $128，唔知大家又對呢張年卡有無興趣呢？