申請 csl 一卡兩號服務，限時送 6 個月服務月費 + 每月內地通話分鐘，抵？

左定坤 (Cho Ting Kwan) 2024-04-12 19:40 | Csl

之前就同大家分享過一張可以支持「一卡兩號」嘅中國電信儲值卡，但呢張儲值卡最大賣點係唔會過期，然而其實有唔少網絡商，都可以開通「一卡兩號」嘅服務，例如 CMHK、3HK 等。最近 csl 宣佈推出革新版中港一卡兩號增值服務，方便經常遊走香港、內地嘅用家，唔使換 SIM 都可以返大陸打電話或者聽電話。想知詳情，睇下文啦！

csl 宣佈推出中港一卡兩號增值服務

csl 宣佈推出革新版中港一卡兩號增值服務，使用 VoLTE 技術，只需一張 SIM 卡，就可以同時擁有香港及內地兩個手機號碼，就算身處香港，都可以撥打和接聽內地電話，及以內地手機號碼接收和發送短訊至其他內地手機號碼，方便透過接收內地短訊驗證碼，註冊、登入及驗證內地熱門 App，例如叫車、嗌外賣，都相當方便。

一卡兩號服務限時優惠

由即日起至 2024 年 6 月 30 日，csl 更推出咗限時優惠，客戶只要申請每月 $29 嘅中港一卡兩號增值服務，並簽訂指定承諾期，就可享首 6 個月服務月費豁免。此外，更可額外獲得在承諾期內每月 30 分鐘內地通話用量及獲贈「深港互通行卡」一張 (不含餘額)，讓用戶於內地 330 個城市及香港，都可以暢通無阻乘搭公共交通工具。