說的是 csl abc mobile 儲值卡，最近留意到有專賣 SIM 卡嘅網店，推出了五月限定優惠，只需要 $50，就包一張電話卡同埋五張增值券。喺講點樣可以有 164GB 數據之前，首先同大家講吓電話卡同埋增值券嘅內容：
① 電話卡：原本面值係 $60，開卡即送 $10 以及 8GB 數據，所以一開波就有 $70 儲值額。
② 增值券：每張包 30 日 20GB 4G 數據，並且會送 $10 儲值額。
$50 享 7 個月 164GB 數據教學
好啦，知道咗基本面之後，就可以進一步了解吓點樣可以 $50 有 164GB 數據。
001: 如頭先所講，網店價只需 $50，就包一張電話卡同埋五張增值券。所以當你買咗呢個 Package 返嚟，首先將張 SIM 卡插入去手機入面，然後辦理實名登記手續啟用電話卡。
002: 啟用電話卡之後，使用第一張增值券。因為本身開卡就有 $70，用咗第一張增值券之後，理論上餘額有 $80，不過因為 abc mobile 每 30 日要收取 $3 月費，所以實際上餘額只有 $77。連同開卡送嘅 8GB 數據，第一個月有 28GB 可以用。
003: 每 30 日用一張增值券，即係第二至第五個月，每月都有 20GB 數據。
004: 去到第五個月，正常餘額係有 $70 + $7 x 5 = $105，當最後一張增值券數據用完，你可以撥打「*122*532*9#」，啟用 $38 30 日嘅 28GB 數據，$105 除以 ($38 計劃 + $3 月費)，最多可以用多 2 個月，每月有 28GB 數據。
所以去到最後，我哋有幾多數據可以用呢？就係 (28GB + 20GB + 20GB + 20GB + 20GB + 28GB + 28GB) = 164GB。成本只需 $50，用 7 個月，加埋有 164GB 數據，呢個價錢網友又覺得係咪抵玩呢？值得一提嘅係，abc mobile 係可以 MNP 攜號轉台過去，又係咪養號碼嘅一個好選擇呢？
報價查詢：超譯儲值卡