教你 $15 一個月，用每月 50GB 高速數據 + 3.6Mbps 任用數據
今次要講嘅，係 HK Mobile，呢張 SIM 係用 csl 網絡，單張賣價 $30，但如果喺超譯儲值卡網店買 2 張，就可以玩到 $15 一個月無限數據。方法好簡單：
第一步：做實名登記
買卡之後，開卡會叫你實名登記，又或者自己掃卡封面 QR Code，去返實名登記網頁，就會自動開通 30 日任用數據，包咗 50GB 21Mbps 數據，用完 50GB 其後 3.6Mbps 任用，就算限咗速都夠碌 Faecbook IG 睇 YouTube，並且每月送 200 分鐘。用完之後，餘額仲有 $48
第二步：通知射錢
你要記低第 1 張卡嘅電話號碼，然後通知超譯射錢 $5 去你第一張卡度，變相餘額有 $53，用完 30 日之後，餘額需要保留到第 31 日，然後再射錢去第二張卡度。
第三步：自己射錢去第二張卡
開第二張卡，同樣需要實名，然後又可以用 30 日無限，之後就要喺第 1 張卡度打出「*101*卡2電話號碼40#」，將第 1 張卡嘅 $40 射去第二張卡度。你可能會問，點解餘額有 $53，你唔一次過射 $53，而係射 $40 咪蝕咗 $13？最主要係，HK Mobile 射錢係有規則，首先就係要有最少 $10 餘額剩低，其次就係只可以轉 5 嘅倍數，所以變相你最多只可以轉 $40。而將 $40 轉咗去第二張卡之後，第二張卡就會有 $88 餘額。
第四步：用第二張卡開通 2 個月無限上網 Plan
最後一步，就係用卡 2 嘅 $88 餘額，開 2 個月 Plan，只需要撥打「*101*435#」，就可以享有 2 個月計劃，每月頭 50GB 有 42Mbps 速度，之後 3.6Mbps 無限任用。Total 加埋即係用到 4 個月。總成本兩張 SIM 用咗 $60，但用四個月，平均每個月 $15。
呢張卡應該係目前最平嘅月費計劃，唔知你又會唔會考慮用佢呢？
來源: 超譯儲值卡