csl 推出 Microsoft 365 限時優惠 即送 SteelSeries 無線手掣 ＋ MS Office 及全套 AI 使用權

左定坤 (Cho Ting Kwan) 2026-08-05 15:54 | Csl

csl 而家推出 Microsoft 365 限時訂閱優惠，csl 客戶每個月只需 HK$65 起，就可以用埋最新升級嘅 Copilot AI 工具，兼且有免費禮品送，比起單次向  Microsoft 購買，平大約 16%。

點樣申請

csl 客戶而家可以選擇 Microsoft 365 個人版或者家用版計劃。其中個人版月費係 $65，供 1 位用家使用；而家用版月費就係 $85，最多可以畀 6 位用家一齊共同訂閱，比起分開單獨訂閱，月費足足可以慳到 16% 咁多。兩款計劃嘅承諾期都係 12 個月，承諾期完咗之後會自動取消，方便用家更加靈活咁管理服務。

今次 csl 仲準備埋實用禮品畀訂閱嘅客戶。只要成功申請上述嘅 Microsoft 365 計劃，就可以免費獲贈價值 $659 嘅 SteelSeries STRATUS DUO 無線遊戲手掣乙個。呢款手掣適用於 Android 同埋 PC 平台，數量有限，送完即止。呢項優惠識用於 csl 月費客戶，佢地可以透過 csl 手機入面申請，用戶要簽 12 個月使用合約。

滿滿 AI 功能

喺功能方面，Microsoft 365 組合加入咗 Copilot AI 技術，全面幫用家提升日常工作同學習嘅生產力。 Copilot 功能深度結合咗各個主要 Office 應用程式，具體功能包括：

Copilot in Word：支援智慧內容生成同視覺化。用家只需要輸入指令，就可以自動生成文件標題同詳細內容，仲可以上傳資料做重點摘要，或者跟指令改寫內容同優化版面設計。

Copilot in Excel：主打數據分析同視覺化。用家唔需要再死記繁瑣嘅公式同函數，輸入指令就可以智慧摘要數據同做分析，仲會自動將數據轉化成圖表。

Copilot in PowerPoint：提供智慧內容生成同排版。只要輸入簡報主題、受眾同風格等指令，就可以自動生成符合主題嘅引用文獻同相關圖片，幫 PPT 排版變得更加高效。

Copilot in Outlook：協助撰寫郵件、改寫同摘要分析。輸入大致思路就可以生成郵件全文，仲可以調整文章長度同語調，支援多語言撰寫，同時可以快速提煉長郵件嘅核心重點。

全套 Office 應用及每用戶 1TB 空間

除了 Copilot AI 功能之外，Microsoft 365 計劃仲包含咗完整嘅 Office 應用程式，包括 Word、Excel、PowerPoint、Outlook，以及 PC 專用嘅 Publisher 同 Access。喺雲端儲存方面，個人版提供 1TB 空間，而家用版就提供高達 6TB 雲端儲存空間（每位用家各有 1TB）。軟體可以喺 Windows、macOS、iOS 同 Android 等跨平台裝置上安裝使用，同時具備完善嘅檔案保護機制，保障相片、文件同個人資料嘅安全。