早幾天，CSL 在港正式推出 4G LTE 服務。我等左好耐了，收到1010叫我去試下，我第一時間就去申請了。睇了eprice說現有用家可以 $339 月費就能享用 42Mbps 服務，若付 $399 月費，則可使用100Mbps 最快的 4G 服務，反正都係用, 一於用最勁就100Mbps啦
最初聽到流動寬頻都有 100Mbps ，當然都很興奮。不過，有用流動寬頻的都知道，100Mbps 是最快速度，還是要依情況和地區而定，故此心裏已有準備，100MB 一定無，打過半折都好呀, 有 50MB 都好, 可能某D位用會用到八九十MB 呢。不過試了，唔可以話差, 只係真係無佢地寫得咁快呀
在測試前，不如先看看機身。它與一般的上網手指不同，需要靠額外的 USB 連線，在戶外使用時或許會有少許不便。隨機附送的 USB 線有兩個接口，其實只要一個接口已經可以。只是我測試時為求盡量試到極速，故此便插上兩個接口。
插入後只要按指示，安裝接駁軟件即可使用。
我測試的方法主要是用 Speedtest.net 及 Speedtest.com.hk，另亦會在蘋果的電影Trailer網站下載影片，然後透過 DU Meter 查看速度。我係中環碼頭試，下載速度最快約有 13Mbps，上載速度則為 17.2Mbps，所有測試的速度仍然未達我申請的100MB，但係就快過我一向用的 7.2Mbps 手指 Modem 好多, 一直我用手指Modem 都係大約 3MB 左右，所以一直都覺得好快。
其後再在我住的油塘屋苑地區測試，下載速度也達 17Mbps，上載速度則為 3.56Mbps。載入網站和影片的反應，都比中環的好，最高速見過 22Mbps，可能此地區會用 4G 的人不多吧。
接著再於火炭火車站測試，今次只是用 Speedtest.net，上下載速度約為 10Mbps 左右，似乎也只是一般而已。較失望的，是在看 Trailer 時，經常會斷斷續續，要等待下載。
老老實實，CSL 的 4G 分左兩個 Category，有45MB，有100MB，我申請係 100MB 服務，加陣試來試去都係得20MB，係有點失望，不過，平心而論，相比 3G 手指，4G LTE 的載入網站或下載檔案時的反應，以及流暢度都較好。
你問我 4G 係咪差，其實用開的 3.5G 比較，真係好好多，不過呢，CSL 話 45MB 又話 100MB 我試來試去都做唔到，
我會叫CSL幫我轉番45MB 個 plan lor，情況係點, 之後係點, 再同大家分享 
文章編號 : 20110501