月費 $49 唱過萬首 K 歌！一部手機隨時隨地唱到！
今次 3HK 推出的 oleGoK 服務其實就係一個流動唱 K 既平台，只要係申請服務再係 Google Play Store 下載呢個 Apps ，登入帳號就可以任唱過萬首 K 歌。係呢個 Apps 入面既歌包括環球、英皇娛樂、環星音樂同埋風行唱大唱片公司既正版歌，所以好容易就可以搵到自己想唱既歌啦，分分鐘比出去唱歌選擇更多！究竟呢個 Apps 係點玩既呢？登入左帳號之後就以根據自己鐘意既歌手、類形或者用搜尋自己鐘意既歌，再下載完整 MV 就可以開始唱歌，因為清晰版既容量高達 100MB 一首歌（連 MV) ，所以建議大家在 Wi-Fi 環境下載會比較好，而音效、畫質兩方面版主都覺得做得不錯，這個 Apps 亦有少量免費試唱可以先下載感受一下
有網友可能問：「自己一個人唱歌，有乜好玩呀？」其實呢個 Apps 係可以支援外置咪，而如果申請 24 個月合約既話就會送兩支 oleGoMic ，串聯兩支咪就可以做到合唱既效果，不過工作人員亦提到唔建議串聯 3 支以上既 Mic 以避免 Feedback 出現。另外 Apps 入面亦有錄音／錄影功能，可以將自己唱完既大作分享上 Facebook/ Youtube ，亦會係手機有一個 mp4 檔案留底，簡簡單單就可以與眾同樂，大家覺得點呢？
| 流行曲版 | 粵曲版 | |
| 月費（合約） | $49 | $88 |
| 月費（非合約） | $68 | $98 |
▲呢支 oleGoMic 有乜咁特別？特別就係可以自定音量、 Echo ，亦可以輸出去大喇叭或者串聯其他 oleGoMic 度玩合唱
▲好多新歌都有，包括謝霆鍵既新歌「愛最大」之類，因為有環球唱片、英皇娛樂、環星音樂同埋風行唱片四間公司既歌
▲可以設定錄影片定係錄歌，亦可以選擇下載 MV 既質素係清晰版定係標準版，聽工作人員誚 清晰版一個 MV 去到 100MB ，都係有 Wi-Fi 個陣先下載啦
▲所有歌曲都要先下載 MV 先唱到，達到最流暢既效果。