今日聽到 3 香港計劃未來把擁有嘅全部頻段，包括 900 / 1900 / 1900 / 2100 / 2300 與 2600 係 2017 年升級至 4G LTE。大家可能聯想到，本來嘅 2G GSM 與 3G WCDMA 會否係將來被取消，尤其今日好多網友都買了 4G 雙卡雙待手機，大部份嘅型號，其中一個 SIM Slot 也只用到 2G GSM。若果取消 2G GSM 網絡，呢批手機，會否變為無用武之地？版主 Keith 就此詢問了出席是次發佈會嘅 3 香港技術總裁鍾耀文先生。他表示雖然大勢是把不同頻段轉為 4G LTE 制式，但以香港嘅環境，每段頻段也有一些零碎段落，不宜升級。加上香港以外，亦有不少地區未來會以 2G 與 3G 為主，為了提供良好嘅漫遊服務，和記電訊現時沒有計劃會取消 2G GSM 與 3G WCDMA 網絡。
事實上，就如現時的 2G GSM 網絡，各大網絡商已用極少的頻寬運作，但因為現時機站的設計，可以一個機站照顧不同制式，不會好似以前一樣，開新制式就要 Fade Out 舊制式。所以大家感覺上 2G GSM 接收範圍，不會差過 3G 或 4G 好多。相信幾年後，當主流手機也支援 4G LTE，連 3G WCDMA 也會有同樣嘅情況，減少頻寬運作，但不會取消。好消息係，大家嘅舊手機，在進入退休模式，要攞番出來玩嗰陣，都可以 Full Function 運作得到。
▲ 3 香港技術總裁鍾耀文先生 (右)
更多有關 3 香港升級 3CC 「三載波聚合」 4G LTE 網絡嘅消息