平均月費 $17，可以 MNP，博元 Plan 抵唔抵？
如果你係為左用來養號碼，就當然搵個最平，即係 「香港本地 3G 話音上台月費計劃」啦！如果你到 MB 官網度睇，你會見到佢只有月費 $28 一個選擇，包括 400 香港基本通話分鐘以及增值服務 (包括飛線組合 + 來電顯示 + 來電待接 + 電話會議)，合約期內行政費豁免。不過嫌唔夠平，想再平啲，可以申請企業員工 Plan。
「企業員工」呢個 terms 其實好含糊，到底「企業員工」的定義是甚麼呢？咁版主就打電話去問過 sales，從 sales 的答法來看，似乎其實佢地都唔會話執得好緊，只要你持有有效的卡片／員工證，就已經當你係企業員工，可以選用企業員工上台月費計劃。
企業員工專用的「香港本地 3G 話音上台月費計劃」，平均月費最低只需 $17，包 500 分鐘本地通話 + 免費增值服務，簽 24 個月，同樣合約期內行政費額免，合約期內每月會送 100 分鐘 IDD 致電中國，用嘅係 3HK 的 3G 網絡。對比一下 SUN Mobile 以及 CMHK 的話音月費計劃，SUN Mobile 雖然最平月費 $16，但每月要交 $18 行政費，加埋其實都要 $34，相比 MB 貴一倍。至於 CMHK 果個，話就話行政費豁免，但月費都要 $41，相比 SUN Mobile 價更高。計起上黎，係唔係 MB 個 Plan 更抵玩呢？
▲ 平均月費最低 $17，免行政費，唔包上網，只限話音。
▲ 至於版主 Keith 曾經介紹過的華龍 4G 一年電話卡，$168 包 1000 分鐘本地通話以及致電中國 (除番每個月 83 分鐘左右)，有 2GB 數據 (除番每月 170MB 左右)，連埋 MNP 手續費，平均月費都係 $16 左右。聽落好似仲平過博元 Plan，不過博元 Plan $17 仲包括飛線組合、來電顯示等免費增值服務，計起上黎博元其實應該更抵玩。
▲ 另外，有菲律賓以及印尼兩種的 csl. Hello 卡，$38 / 張，開卡送多 $10 儲值額，每月需付 $2 行政費，本地通話收費方面，打電話去手機號碼 (Mobile to mobile call)，每分鐘 $0.03，而打電話去其他本地固網號碼，則每分鐘 $0.06。講入場價最平，應該都係 Hello 卡，不過，版主 Keith 都講過，張卡係俾外傭用，本地人去申請，會有點怪之餘，仲要唔係間間 csl. 門市都肯做，而且開 Plan 打電話、上網收費都唔平。你又會點選擇呢？
最平月費 $118，享用 3HK / CMHK 本地數據 + 中港通話
博元除左了有適合 MNP 養號碼的 Voice Only Plan 之外，還有一個「企業員工本地 4G『雙重 1+1』上台月費計劃」。呢個係乜野 Plan 黎架呢？簡單黎講其實即係中港 Plan，有兩種，一種係用 3HK 網絡，而另一種則是用 CMHK 網絡，包括 3500 分鐘本地通話時間 + 5GB 4G 數據 (最高速度為 42Mbps)，如果以新號碼使用此月費計劃，於合約期內仲會額外加送 1GB 本地流動數據，但如果在合約期內更改香港電話號碼 (包括攜號轉台以及換新號碼)，呢額外嘅 1GB 就會即時被取消。無論你係選用 CMHK 還是 3HK 網絡的 Plan，都必需同時加 $18 申請多一個中港 1 卡 2 號上台月費計劃，支持「全中國單向收費」 (在中國大陸以中國號碼可無限接聽來電），並附有 50 中港共用分鐘。亦即係話，選用 3HK 網絡月費為 $126，而選用 CMHK 網絡月費則為 $118，合約期內行政費豁免。
▲ 寫到明必需要同時申請 4G 「雙重 1+1」 + 中港 1 卡 2 號上台月費計劃。
▲ CMHK 都有類似的 1 卡多號通話組合，最平月費 $59，並必需同時使用中國移動香港服務計劃。而 CMHK 果個只能在廣東省以中國號碼可無限接聽來電，在國內其他地區的話，依然會扣中國分鐘。計起上黎，博元呢個係咪好似仲好啲呢？
▲ 如果你只係短期要去中國內地，亦都可以考慮之前曾經都介紹過博元的「中港數據快線」，包 15 日 3GB 中港 4G 上網，可以 Wi-Fi Tethering，而且都係行 CMHK 網絡，上 Google、Facebook 都無問題。