講緊嘅係 3HK，最近推出左一個新 Plan，叫做「4G 中港澳」彈性月費計劃。一個月費，就可以打通中、港、澳三地的數據。你話唔係喎，人地 CMHK 咪又個「飛常大中華」4G 計劃嘅，人地仲要四地多埋台灣，咁 3HK 呢個「4G 中港澳」計劃有啲乜嘢優勢呢？最大的差別就係，CMHK 果個係有限數據的，而 3HK 呢個則係無限數據，而且佢係會用中國聯通 3G、4G，可以唔使轉登轉 TD-LTE 手機。不過有一點千萬千萬要注意: 雖然話就下無限數據，但都係有限速的，假如你本地或者中澳數據達 10GB，就會即刻由天堂跌落地獄，限速至 128kbps。
至於「4G 中港澳」彈性月費計劃，點為之有彈性呢？所謂有彈性，就係例如你係用緊「2GB 本地 + 2GB 中澳」的 Plan，你的本地數據或者中、澳數據用量快接近 2GB 的話，佢就會 send 個短訊提示你，如果你其中一個數據超過左 2GB，就會自動升級至相對應數據用量級別的月費，即係原本要俾 $288 一個月，就算你只係用多左 0.1GB，你都係變左要俾 $588。所以選用呢個計劃，真係要好小心控制數據用量。網友對呢個 Plan 點睇呢？