蘇寧網店清貨，齊色 Sony 六吋手機二千有找！
說的是 Sony Xperia XA Ultra，記得上個月月尾的時候，版主就同大家分享過，旺角中原做緊平價清貨，$1908 就可以入手，不過果陣就話淨係得黑色，而且貨又唔係多，無得俾你揀。而家蘇寧網店「秒殺星期三」，開始將 XA Ultra 以優惠價賣，雖然係相比中原個價略貴，賣 $1998，但起碼齊色有黑、白、金可以選擇，而且免運費有得直接送到你屋企，唔洗咁麻煩特登左搵右搵，雖然係用 MTK Helio P10 處理器同埋得 3GB / 16GB，但老人家唔會打機果啲，又有咁大個芒，買部 XA Ultra 會唔會都係一個可考慮的選擇呢？
大芒巨電高性價比，小米是唯一選擇？
有網友可能會話，成二千蚊買部 P10 手機，好似唔多值咁，但如果你想要高性價比，除非你係揀小米。好似小米 Max 2 咁，S625 配 5350mAh 核電有 4GB / 64GB，個芒仲要再比 Sony XA Ultra 大啲，有 6.44 吋，賣價不過是 $1899。無可否認，呢個價位來說，小米 Max 2 係幾抵玩嘅，不過總會有網友對中國品牌手機，有無法用文字形容的厭惡。但如果係你，要買部手機俾老人家用，你會揀 XA Ultra 還是小米 Max 2 呢？
Sony Xperia XA Ultra 在文章發表時，蘇寧網店賣價為 $1998，按這裡有詳細規格及最新賣價。
小米 Max 2 在文章發表時，建議零售價為 $1899，按這裡有詳細規格及最新賣價。