$118 享 8.5GB 全速 4.5G 數據!
先由中國聯通說起,佢哋在月中的時候推出了一個「校園月費計劃」,跟一般校園 Plan 不同的是,中國聯通呢個,並不單單是學生才用到,就連教職員都可以申請,而且都可以係幾抵玩,當中的 4.5G 全速數據計劃,月費只需 $118,就可以享有 8.5GB 4.5G 全速數據,除左可以額外享有 100MB 中國內地用量,同時更能夠做到「數據結餘不清零」,將今個月用唔哂的用量,直接帶到下個月繼續用。而除左 4.5G 全速數據計劃,另外仲有另一個 Plan 都算是可以考慮,就是 $226 享 15GB 中港共用數據,就算平時要返大陸工作,都可以唔使另外買儲值咭咁麻煩。值得一提的是,「校園月費計劃」入面所有的 Plan,在固定合約期內都會免收 $18 行政費。自己打自己!3HK 出招,抵制中國聯通?
其實中國聯通呢個 Plan 雖然算係抵,但暫時以版主來看,並未威脅到其他網絡商要跟風,反而用相同網絡的 3HK,今日就出招推出相同性質的「校園 Plan」,自己打自己。由即日起至 9 月 30 日,所有合資格的師生,都可以 $98 的月費,享有 4GB 的 4.5G 全速數據,而如果攜號轉台的話,更會額外送多 2GB。另外,除了 $98 Plan 之外,3HK 還有一個 $128 Plan,可享 6GB 4.5G 全速數據 (攜號轉台送多 3GB)。如果 9GB 都唔夠用的話,更可加 $168 享真 4.5G 無限上網,仲會免 3 個月月費。不過 3HK 自己推出的 Plan,還需付 $18 行政費,計起上黎比中國聯通略貴。但是,同是用 3HK 網絡,你會揀返 3HK 還是中國聯通呢?