高用量窮 L 福音?網絡商首推真無限 21M 數據計劃
|
3 香港
今次破天荒推出真‧無限 21M 數據 Plan 的網絡商是 3HK,其實佢哋又無直接寫到明話推出「真‧無限 21M 數據 Plan」,而係推出了一個叫「數據自動寶」的增值數據服務,簡單來說即係話當你今個月發現數據唔夠用,就可以加錢買數據,$9 / 200MB,聽落好似要成 $45 / GB,但其實係有收費上限的,如果你係用緊 5GB 或以上的月費計劃,上限為 $198;相反,如果係 5GB 以下的月費計劃,上限則為 $298,過左上限之後都可以繼續享用無限數據。照咁講的話,假如你本身使用 3HK $108 的 5GB 21M Plan,加多 $198 即月費 $324,就可以享真‧無限 21M 數據,你又覺得抵唔抵呢?
(其實 3HK 都有特別方法可以做到 $78 5GB 21M,計番就只需 $294)
可能,你會覺得雖然話 $324 就有真無限上網,但得 21M 點解唔加多少少錢上真無限全速 4.5G Plan 呢?好似 csl. 街站都有啲另類方法,可以做到 $344 真無限,就算唔係 csl.,3HK 自己本身都只需 $366 (免行政費),有真無限數據不單止,仲額外送 Alcatel PIXI 4 7 吋 Wi-Fi 平板𠻹!咁似乎呢個「數據自動寶」的服務,並沒有甚麼優勢吧?或者係,不過呢個增值服務都有一個好處,就係夠彈性,你鍾意開又得,鍾意關都得,唔使 fix 死每個月都一定要捱貴月費,呢一點,又能唔能夠說服到你使用呢?