）。而去旅行，最基本要解決的問題，是漫遊數據問題，有些人會選擇去鴨記 / 網絡商買一次性儲值卡，有些人會選擇用自由鳥 / Club SIM 提供的漫遊服務，插張 SIM 落部機，去返 App 買 Plan，去旅行就可以用。而家仲方便，連實體 SIM 都唔使，最平 $13.8 / 日，19 個地區連日本都可享無限漫遊數據，點做到？睇下文啦！
版主早前收到風，傳 Apple 最快會在 27/10 凌晨推出 iOS 12.1，到時 iPhone XS 就可以用到 eSIM。可惜，最後未能如版主所說，27/10 有更新，而是比預期遲多四日，Apple 才肯釋出更新檔。不過，基本 eSIM 玩法係點，當時版主都透露咗，一開波網絡商會先針對旅遊數據推出儲值計劃，並且要用到 QR Code 先可以啟動 eSIM。
iOS 12.1 正式推出，3HK 立即更新了官方網頁，率先推出 eSIM 計劃。到底有乜要注意呢？
001：使用 eSIM 有乜條件？
首先你一定要係 iPhone XS 用家。
002：如何啟動 eSIM？
Step 1 - 按這裡購買 eSIM
Step 2 - 成功購買後便會經確認電郵收到二維碼(QR code)
Step 3 - 在 iPhone XS 按「設定」，跟住「流動網絡」，然後會有個「新增流動網絡計劃」的選項，之後用 iPhone XS 掃一掃 email 上的 QR code，就可以啟動 eSIM。
003：eSIM 計劃點收費？
$138，有 10 日漫遊數據，唔一定要連續用哂，你可以分開嚟用都得。例如今次用得 6 日，餘下 4 日可以留返下次使用。
要注意！到達目的地並於eSIM在開啟「數據漫遊」後，漫遊通行證便會立即生效。漫遊通行證將於到期日香港時間 23:59 自動終止，不足一日亦以一日計算。如不需要使用漫遊數據，需於當日香港時間23:59前關閉「數據漫遊」。
004：漫遊數據包括哪些國家？
中國、澳門、台灣、日本、南韓、新加坡、馬來西亞、泰國、澳洲、美國、加拿大、英國、意大利、瑞典、愛爾蘭、丹麥、奧地利、地國、菲律賓。
005：有無 FUP 公平使用上限？
有，每日 500MB，之後無限 128kbps。
006：儲值卡有無有限期？
有，有限期為啟用後的 180 日。
007：點樣可以延續有限期？
透過網上 three.com.hk 可以加購漫遊數據，最平 $15 就可以由增值日起計延長 90 日。
按這裡可以進一步了解詳情