和記電訊香港控股執行董事兼行政總裁古星輝，係 17/12 記者會，講咗幾樣嘢
001: 2020 年為香港 5G 元年，旗下 3 香港會大約係第二季推出 5G 網絡，跟早前版主 Keith 嘅分享一樣，初期 5G 網絡會以 NSA (Non Standalone) 架構方式建立，亦表示有一段時間，5G 與 4G 必須共存，有 5G 地方一定有 4G 網絡。
002: 古星輝預計，5G 客戶嘅數據用量，會係今日嘅 10 倍，以家陣好多人用嘅每月 10GB 用量為例，估計未來 5G 客戶每月使用會達至少 100GB 數據量。
003: 古星輝預計，預計 5G 收費大約平均每 GB 收費 $3。5G 月費大約會係由每月 100GB 用量入門，約 HK$300 - $400 左右。用爆提供限速無限上網，但限幾多速無講，希望唔係 128kbps 啦。
003: 3 香港已積極與手機商溝通，預期明年有超過20部 5G 手機在港發售。部份廠商在今年下半年已開始在海外市場推出5G手機。根據廠商資料，明年上半年有超過 15 款 5G 智能裝置推出市面，品牌方面包括 Samsung、華為、OPPO、小米、中興、TCL 及 Lenovo等。
004: 5G手機賣幾錢？價格方面預期與現時 4.5G 手機相若，高檔（5000以上）及中檔（$2500 - $5000）款式數目相若，亦會有入門級（$2500以下）的5G手機。