平鬥 CMHK!csl. 網絡 5G 新 Plan 好抵玩 仲送一卡兩號

左定坤 (Cho Ting Kwan) 2021-05-05 13:16 | 3 香港
無論係 4G 年代定係 5G 年代,講到最平、性價比最高嘅網絡商,肯定非 CMHK 莫屬。不過,似乎 CMHK 遇到對手了。有網絡商最近推出 5G 新 Plan,平價之餘仲送埋一卡兩號,似乎比起 CMHK 更抵玩。想知詳情,看下文吧!

FB.jpg

今次要講嘅網絡商,係中國聯通 CUniq,今個月起佢哋嘅「本地 5G 數據無憂計劃」正式上架,一共有 6 個月費選擇,由 10GB 數據至 300GB 數據不等,無論你係低用量用家,抑或係高用量用家,都滿足得到你嘅需要。然而最特別嘅,係佢所有計劃嘅月費價錢,都係同 CMHK 完全一樣,似乎擺到明係睇住 CMHK 嚟打。

圖片 003.png

你可能會問,同 CMHK 同價,咁有乜優勢可言?無㗎,無論係月費價錢、本地數據用量、附送嘅大灣區數據,甚至乎係 FUP 限速速度,基本上都同 CMHK 一樣,CMHK 網店仲有得額外免一個月月費,計起上嚟好似仲係 CMHK 抵玩啲。不過,中國聯通唔同之處,係免費送內地號碼,而 CMHK 就要加 $18 申請,咁一較之下,24 個月免內地號碼費用,都慳返 $432。咁你又覺得中國聯通呢個 Plan,又抵唔抵玩得過 CMHK 呢?

補充一點,你可能唔知,中國聯通以前係用 3HK 網絡,但而家無論 4.5G 還是 5G 月費計劃,都已經轉用了 csl. 網絡,而旅行卡則暫時仍然是用 3HK 網絡。基本上可以從 Network Bar 上看得到,見到 CUniq HK 即是用 csl.,而見到 UNICOM HK 則是用 3HK。

最新新聞