返學返工都啱！3 香港SoSIM 送無限視像數據 Keith Yim 2021-09-01 22:43 | 3 香港 疫情之後，聽過唔少一家大細 Home Office、Home School 嘅慘況，就係屋企地方太細，寬頻唔夠成家人去分。爸爸要返工視像，仔女要 Zoom 上堂。雖然，疫情好轉咗，但 Home School、Home Office 只係時間及日子短咗。有無計，上網 Data 可以唔駛點加錢嘅情況下，全家都平平哋咁用。有嘅，3 香港九月份出招，最出名嗰張超市 SIM : SoSIM 大送無限「網課數據」，其實大人細路都啱用。咁優惠又係點呢？ 3 香港嘅「超市」SIM 卡：SoSIM 喺 9 月 (1/9 - 30/9) 玩另一個優惠。即日起，買卡送 120 日「網課數據」俾用戶。乜叫「網課數據」？即係俾你無限用 Zoom、Teams、Google Meet 同埋 Google Classroom。有齊呢四個視像 App，其實無論大人細路，都啱用嘅。 SoSIM 依然喺百佳、屈臣氏有售，$33 賣價，包首 30 日 50GB 42mbps 速度數據，當然上面講嘅「網課數據」就無限用任用 120 日啦。30 日之後，你上網增值 $33 就多 60GB Data 用三十日架啦。
