呢封郵件寫住話係「特選 SoSIM 客戶尊享」，表示俾多個 Lunch 錢就有 5G 計劃（佢個 Lunch 都幾貴下)，呢個唔係重點，重點係價錢，佢郵件內就話：「只需憑短訊內的優惠碼，即可以優惠價試用 5G 網絡，月費 $98 即享 10GB 本地數據。而有網民隨即向郵件內嘅 WhatsApp 查詢，得知原來佢哋有 2 個 Plan，一個係 $116 10GB，簽 12 個月合約，而另一個係 $136 50GB，簽 24 個月合約。亦即係話，所謂 $98 10GB 仲需要另外加 $18 行政費。
咁 $116 10GB 同 $136 50GB 係唔係抵呢？抵就唔可以話抵，不過我只能夠咁講，如果網絡商無推出 $149 / 100GB 呢個 Plan 嘅話，呢個價算係合理偏貴，對比返 CMHK 5G 月費計劃，10GB Plan 24 個月合約，月費 $168，扣除所有優惠回贈之後，平均月費 $90.2；而 50GB Plan 30 個月合約，月費 $248，扣除所有優惠回贈之後，平均月費 $106.7。當然又咁講，CMHK 嘅 Plan 有部份回贈係畀你買 5G 手機用，即係如果你諗住買 5G 手機，咁就可以用盡着數，但 SoSIM 一向畀人感覺係超平，而家呢個 5G Plan 仲貴過 CMHK，大家未必可以接受。再加上畀得起 $136，會唔會畀多少少 Join $149 Plan 仲着數？畢竟有些網絡商連 $18 行政費都慳返。你又點睇呢？
▲ SoSIM App 信箱內的內容。
▲ 對比 CMHK 的 10GB 以及 50GB Plan。