講緊嘅係誠哥和黃集團旗下嘅 3HK，請緊一個 Title 叫做「Honey Bee (小蜜蜂)」嘅崗位，5 天工作 (包括下雨天)，做啲乜㗎？唔係要你 Sell 客，所以就算你係內向型嘅，都唔使怕，簡單嚟講就係要請一班人返嚟，免費畀埋 5G 佢哋用，周圍去試 5G 網絡盲點，去唔同地方比較其他網絡商睇 YouTube、Facebook、Instagram、WhatsApp 嘅觀看體驗，又會喺地鐵滘線嘅地區以及偏遠郊區，進行室內以及室外嘅速度測試，收集數據進行分析，睇下邊啲地方收得唔好，需要改善，而且 3HK 亦承諾係會改。
同時 3HK 亦都表示，呢個新職位有好唔錯嘅前景，你表現得好有機會晉升為蜂后或者蜂王，負責為其他小蜜蜂去分配工作時間表。
如果你對呢份 part time 工作都有興趣，可以按呢度去 JobsDB 試下申請啦！