HKBN 續約月費低至 $38
如果你係 HKBN 客戶，而咁啱合約準備完，可以留意一下，有無出現咗兩個 Plan，估計大約係完約前一個月左右嘅時間，大家可以上去睇下。咁呢兩個續約 Plan，一個係 4G Plan，一個係 5G Plan，前者月費 $38 有 6GB 21Mbps 速度，而後者則為 $68 有 10GB 全速，其後以 1Mbps 速度繼續無限任用。
對比攜號轉台計劃，舊客着數更多？
比較返一般客戶攜號轉台嘅價錢，就以 4G Plan 為例，其實睇返網站，並無 $38 6GB 21Mbps 數據呢個 Plan，而係 $68 8GB 42Mbps 數據，多 2GB，速度翻倍，但價錢都接近一個 Double。42Mbps 同 21Mbps，用落去係咪真係好大差別？我覺得大部分情況下，包括上網、睇片，都唔會有好大差別，主要係睇，6GB 夠唔夠用。再睇埋 5G Plan，如果你係攜號轉台去 HKBN，可以 $78 月費，享有 10GB 5G 數據，其後有無限 1Mbps 任用上網。同續約 Plan 內容差不多一樣，不過續約就平多 $10，以前成日話，舊客無着數，得新客先有，而 HKBN 就決心留住舊客，你又覺得係咪良心呢？
