網絡商首月 $8 有 4G 無限上網，送一卡兩號
說的是中國聯通香港 CUniq HK，只要你係年滿 60 歲，在網店上台並申請 4G 本地數據無憂計劃，輸入優惠碼「LOVEYOU」，就可以享有首月月費 $8 優惠，其後月費 $38，包 7.5GB 4G 本地數據，最高上 / 下載速度為 42Mbps，其後可繼續以 384kbps 無限任用。另外，呢個計劃仲包 3200 通話分鐘，適合老人家唔鍾意成日打字，鍾意打電話同人傾計用。更重要嘅係，除咗有得免行政費，仲會送一卡兩號。你知啦，好多老人家退咗休，得閒無事鍾意返大陸行下食下好西，雖然呢個 Plan 基本上唔包內地數據，得 80MB 當佢無，但真係有需要時，call 車有大陸號碼都係方便嘅。仲有，即使你家中兩老唔用，如果你有興趣 Join 呢個 Plan，搵佢哋幫你申請，攞佢一卡兩號，都得。唔知大家又對呢個 Plan 有無興趣呢？
