三檔月費計劃，自由配搭三地數據
今次優惠主要圍繞三個月費計劃，全部都需要簽訂 24 個月合約，並且強調「攜號轉台」先可以享有宣傳中所講嘅高額禮遇。佢嘅最大特色係「內地 / 港 / 澳數據自由配搭使用」，即係話個數據量唔會限死邊度用幾多，你可以按行程需要靈活使用，對於行程不定嘅用家來講係幾大優點。三個計劃分別係：最入門嘅 $143 月費（原價$158）提供 30GB 三地共享數據，用完後香港本地可限速至高達 1Mbps 任用；中階嘅 $170 月費（原價$188）提供 50GB 共享數據；而最高階嘅 $258 月費（原價$278）則提供 70GB 共享數據。所有計劃都包埋 3000分鐘本地通話、內地及澳門通話分鐘，以及 30 個月嘅「防騙王」服務。
$2026禮遇實際係咩？門票又點拎？
成個宣傳最搶眼一定係「送高達 $2026禮遇」，但究竟係咩來？根據資料，呢個金額主要適用於攜號轉台到 $258/70GB 呢個最高階計劃，當中包括 $616 月費回贈、免行政費 (總值 $840) 以及 30 個月防騙王服務 (總值 $570)。而「送《友邦嘉年華》門票兩張」就係限時推廣，名額有限，送完即止，想要嘅朋友手腳一定要快。值得留意嘅係，如果唔係攜號轉台，而係出「新號碼上台」，禮遇價值會減少，而且合約期需要 30個月。所以，對現有用戶嚟講，轉台過嚟著數會多啲。