再劈價！$104 平玩 100GB 5G 本地數據，200GB 都係百幾蚊，性價比超高？

左定坤 (Cho Ting Kwan) 2026-03-30 14:53 | 3 香港

講到本地 5G 數據卡，版主之前都同大家分享過幾次中國聯通香港嘅儲值卡，因為價錢平數據又多，一直都有唔少網友留意。以為之前個價已經好抵？原來低處未算低！最近版主留意到呢張 5G 數據卡喺網店再有減價，百零蚊就買到 200GB 5G 數據，性價比相當高。想知詳情，睇下文啦！

中國聯通 5G 數據卡網店再減價

說的是中國聯通香港 CUniq HK 推出嘅 5G 本地數據卡，之前版主就同大家報過幾次價，本身性價比已經唔錯。不過最近留意到網店將呢兩款 5G 數據卡進一步劈價清貨，其中 100GB 數據版本最新賣價跌到落 $104，而 200GB 大用量版本更只需 $189 就有交易。一百蚊出頭就有咁多 5G 數據可以用，計返起上嚟真係相當抵玩，呢個價錢網友又點睇呢？

按這裡有購買連結

中國聯通 5G 數據卡詳情

呢張中國聯通香港 5G 數據卡主要提供高速嘅 5G 本地網絡體驗，視乎你買邊個版本，可以享有 100GB 或者 200GB 嘅 5G 本地數據用量。雖然係中國聯通出品，但香港本地使用時自然係用返本地網絡供應商嘅訊號，速度同接收理論上都有一定保證。呢類大數據量嘅 SIM 卡，無論係買嚟放落副機做 Wi-Fi 蛋派畀朋友用，定係插落 5G Router 畀全家用，都係一個唔錯嘅平價選擇。唔知網友又會唔會趁今次減價入貨呢？