實體店專人一條龍支援 拆卡到實名登記免煩惱
今次新增嘅線下支援服務，正正係針對長者唔擅長手機設定同線上驗證嘅問題。長者平時買咗新卡，除咗要拆卡、換卡同搵網絡 APN 設定之外，最棘手就係要跟足法例要求，用手機鏡頭對準身份證影相上載，少啲眼力或者手機手震都會失敗。今次 SoSIM 夥拍香港樂齡網之後，長者只要親身去到佢哋任何一間實體門市，現場職員就會一對一由頭到尾幫手。由幫手將新 SIM 卡放入手機、檢查網絡連線，到即場一步一步引導同協助完成整套實名登記手續，長者完全唔使再自己摸索，真正做到即買即開通。
月費平均只需 $33 平過上台兼免簽死約
除咗有專人幫手搞掂技術手續，呢個方案最大賣點就係極高性價比。平時老人家如果去電訊商門市「上台」，就算係所謂嘅「長者特惠月費」，計埋行政費閒閒哋每個月都要幾十蚊甚至過百蚊，而且一簽就要縛死兩年死約，有啲 Data 仲要好少，好似老人家，唔應該上網咁，到期仲要煩續約問題。而 SoSIM 門市支援所配合嘅「優悠360組合」長者年卡，360 日收費只係 $396，折合返平均每個月只係大約 $33，價錢平過傳統上台唔少。由於本身屬於儲值卡性質，長者完全唔需要簽任何合約，亦都無任何隱藏雜費，完全無後顧之憂，用得更加放心。
數據分鐘畀得足 兼包北上數據同防騙王
咪以為平均月費平就無嘢畀，呢個組合嘅規格相當充裕，好啱而家生活豐富嘅長者。網絡行 4.5G 42Mbps 速度，全年包足 360GB 本地數據（每 30 日自動派 30GB），老人家日常睇片、聽歌同用 WhatsApp 傳相傳錄音完全唔怕唔夠用。通話方面全年更包咗 36,000 分鐘本地通話（每 30 日 3,000 分鐘），隨時同親戚朋友慢慢傾。另外考慮到唔少長者放假鍾意北上玩，方案仲包咗全年 6GB 內地漫遊數據，過關唔使換卡就可以直接睇地圖、搭車同用 WeChat Pay、支付寶畀錢。組合仲免費送埋「防騙王」服務，自動過濾大部份可疑騙徒電話，等老人家平時收短訊驗證碼都安心好多。
出卡順便減 $33
合作商香港樂齡網本身係一間專為銀髮族而設嘅生活用品店，分店遍佈港九新界，提供好多科技家居百貨幫長者解決日常生活問題。長者去門市辦理開卡同實名手續嗰陣，職員除咗好有耐性提供技術支援之外，長者仲可以順手行吓睇吓有無實用嘅銀髮生活產品，一舉兩得。平時大家除咗可以喺百佳超級市場或者屈臣氏買卡，再喺 SoSIM App 入優惠碼「back33」減 $33 之外，而家只要老人家想有專人全程幫手開卡同登記，直接行入香港樂齡網門市就有人搞掂。實用連結：SoSIM 長者 Plan | 香港樂齡網