
$90 用半年 支援 23 個亞太使用地區
根據產品頁資料,張卡支援 4G/5G 網絡,覆蓋頁面列出的 23 個亞太使用地區,包括中國內地、澳門、日本、南韓、新加坡、馬來西亞、泰國、越南、菲律賓、印尼、柬埔寨、老撾、汶萊、印度、巴基斯坦、孟加拉及斯里蘭卡等。另外亦可以在澳洲、紐西蘭,以及關島、塞班島、天寧島等地使用,對於一年內會去幾個不同亞洲地方旅行的用家,最大好處就係唔使每次轉地方都換卡。

22GB 高速數據 用完限速 128kbps
雖然產品名稱寫「無限上網」,但大家買之前一定要睇清楚,張卡設有 22GB FUP 公平使用數據量,而且 22GB 係整個 180 日有效期共用,並唔係每個月重新派 22GB。累積用量達 22GB 後仍然可以繼續上網,不過速度會被限制至 128kbps。高速數據期間支援手機 Hotspot 分享,限速後就不能再作網絡分享及點對點傳輸。
所以如果平時主要用 WhatsApp、Google Maps、搵餐廳、叫車以及間中 Upload 相,22GB 半年仍然有一定實用性;但如果旅行期間會大量睇片、開 Hotspot 或 Upload 影片,就要留意用量。
唔使實名 純數據卡
使用方面就比較簡單,張卡毋須實名登記,插卡之後在手機開啟「數據漫遊」即可使用,亦支援 Facebook、WhatsApp、WeChat、Google,以及 WhatsApp/WeChat 網絡電話。不過張卡只提供流動數據,沒有一般語音通話分鐘,而且不設增值。11 月限定輸入「30OFF」即減 $30
據網店 11 月優惠資料,用家在結帳頁面輸入優惠碼:30OFF 即可由原價 $120 減至 $90,而且不限購買數量。如果以 180 日大約半年計,平均每月成本只係 約 $15。對於一年內會多次往返日本、韓國、內地、東南亞甚至澳紐的用家,$90 一張卡可以用半年,確實幾方便。不過要再次提醒,「無限數據」唔代表全程高速,真正高速數據只有 22GB,用完之後會限速至 128kbps。
報價查詢:超譯儲值卡