唔駛信用卡！３香港用家 Google Play 買 Apps 賬單扣數！

大家都記得 WhatsApp 收費八蚊事件！除了部份用家覺得八蚊唔值外，更有一班沒有信用卡的用家，像學生、主婦，跟本不能在 Google Play 買 Apps。不單係 WhatsApp，連遊戲買代幣也不能。但這個局面好快轉變了了，３香港今天宣佈，率先推出 Google Play 的流動電訊商賬單付款服務，買 Apps 係賬單扣數，唔駛信用卡，網友點睇？


▲ WhatsApp 在 Andriod 平台要收費，本來不是錢的問題，而係好多無信用卡的用家，也交不到年費。
 

來自 3 香港的消息：

3 香港宣布，率先於大中華區推出適用於 Google Play 的流動電訊商賬單付款服務 (Direct carrier billing)。由即日起，3 香港用戶透過指定的 Android 手機或平板電腦於應用 Google Play選購應用軟件(Apps)，可將所需費用直接合併至電訊賬單，而毋須輸入信用卡資料付款，有關賬目將顯示於下期流動電話賬單中。

據了解，除了是買 Apps，如付費軟件，也包括了 In-App Purchase，最簡單是 WhatsApp 付年費、Candy Crash 買絕招糖果等，也可以透過賬單處理！


▲ 3 香港用家，可在 Google Play 付費表中，找到電信代扣功能，在賬單扣數
 

網友表態！

１）３香港今次推出 Google Play 買 App 賬單扣數服務，大家想唔想其他網絡商也有同類服務？
２）另一大陣營 Apple App Store，有自家的 Gift Card，用預付方式購買，你會比較喜歡 Gift Card 還是賬單扣數？
３）你信唔信得過網絡商？怕唔怕有震撼賬單？

歡迎網友以 ePrice 會員或 Facebook 回應！