主題:平玩全速數據!csl.、CMHK 齊減價,網友會點樣揀?

ePrice HK
  • 發表時間:2018-06-22 21:03 收錄檢舉
    唔知係幾時開始,真無限全速數據 Plan,變得一啲都唔值錢。記得早兩年想 Join 無限上網?每個月唔放低至少三舊水,都好難 Join 得到。而家?$168 就可以玩到,相差成倍,可以見到近呢兩年間,無限上網嘅價值轉變,其實都相當明顯。當初帶起 5GB 21M Plan 熱潮的 HKBN,今日已經變得吸引力欠奉,無咗個競爭力。而為咗吸到更多嘅客,csl.、CMHK 都相繼將全速 Plan 減價,網友又會點揀呢?睇下文啦!

    平玩全速數據!csl.、CMHK 齊減價,網友會點樣揀?
     

    csl. 新優惠,Tap & Go 客戶獨享 $118  5GB 全速數據

    版主會先由 csl. 說起。其實尋日版主虎仔都曾經為大家分享過,csl. 推出咗一個專為 Tap & Go 用戶而設嘅 Plan,無論你係新上台定續約客戶,只要你係 Tap & Go 用戶,就可以 $118 的月費,另加 $18 行政費,簽 24 個月合約,享有 5GB 全速本地流動數據,而且仲會有額外 500 Club 積分添喎。不過計返條數,其實相比起 HKBN $148 6GB 全速 Plan,唔差幾多。(係要香港寬頻指定現有家居寬頻或家居電話服務客戶,或者 csl. / 1010 / SUN Mobile 攜號轉台去 HKBN,先至係 $148。如果新客戶嘅話,基本月費係 $168)

    用 Tap & Go 俾錢有著數!未必出

    不過,為咗突顯 csl. 的優惠,版主會用 HKBN 嘅最抵價去做比較,計算返兩者每 GB 數據嘅價錢:
      csl. (Tap & Go 客戶) HKBN 新客戶 HKBN 指定現有客戶或
    csl. / 1010 / SUN Mobile 攜號轉台客戶
    月費 $118 $168 $148
    行政費 $18 $18 $18
    數據用量 5GB 6GB 6GB
    平均每 GB 價格 $27.2 $31 ~$27.7
    ▲ 剛才都提過,HKBN $148 個最抵優惠,係要香港寬頻指定現有家居寬頻或者家居電話服務客戶,又或者 csl. / 1010 / SUN Mobile 攜號轉台,先至享有優惠,限制比較多;而 csl. 就只需 Tap & Go 用戶就得,老實開張 Tap & Go,一啲都唔難。
     

    低處未算低!CMHK 全速數據 Plan 減價,會更抵玩?

    其實如果論全速數據 Plan 來說,csl. 果個都算係抵玩,然而低處未算低,CMHK 的全速數據 Plan,似乎會更優惠,而且選擇會比起 csl. 更多。csl. 個優惠,係要 Tap & Go 用戶先申請到,而且只有 5GB Plan 一個選擇,而 CMHK 嘅優惠月費,則提供 6GB / 8GB / 12GB 等選擇,滿足到不同客戶嘅需要,當中嘅 6GB 全速數據 Plan 網店限定減價至 $108,價錢上比起 csl. 平,而且仲比 csl. 多 1GB,登記上門簽約仲免埋每月 $18 行政費,計返上嚟平均 $18 就有 1GB 數據。而版主都好相信,CMHK 呢個 Plan,絕對是向 csl. Tap & Go 嘅優惠挑戰。

    CMHK 6GB Plan 比拼 csl.
      CMHK csl. (Tap & Go 客戶)
    月費 $108 $118
    行政費 $0 (上門簽約) $18
    數據用量 6GB 5GB
    平均每 GB 價格 $18 $27.2
    ▲ 都可以睇到,CMHK 嘅 6GB 數據月費優惠,各方面都完勝 csl.。但,你又會點揀呢?

    平玩全速數據!csl.、CMHK 齊減價,網友會點樣揀?
    ▲ 用量唔高可以考慮 6GB Plan,而如果用量需求較高,但又無必要用到無限上網,亦都可以考慮另外 8GB 或者 12GB Plan,月費分別為 $128 以及 $138,攜號上台仲會額外送 $300 Log-On 禮券,而登記上門簽約,同樣可以免行政費,扣除優惠後,平均每 GB 價格分別約 $14.4 以及 $10.5。版主收到料,嚟緊好似仲會為12GB同6GB計劃加送500MB大灣區漫遊數據,另外,佢哋正速計劃,本地數據部份用爆咗仲有 128kbps 速度無限數據,唔怕突然用爆連 Whatsapp 都收唔到。CMHK 為咗令到計劃更加有競爭力,可以話係出盡力水了。

    csl. 同 CMHK 同樣提供咗幾抵玩嘅月費優惠,唔知網友又會點樣揀呢?

    立即加入Facebook 專頁,新聞/消息/優惠,最快知。

    01樓 ▲TOP 回列表頁