主題:網絡商鬥 5G 部署!中國移動香港鬧市賣廣告 + 搶先建 5G 基站

ePrice HK
※ 此文已被鎖定,無法回覆與編輯 ※
  • 發表時間:2018-10-26 19:22 收錄檢舉
    大家還記得  ePrice 版主之前介紹過,香港政府最快在今年年底或 2019 年初,指配 26 / 28GHz 頻帶予有興趣提供服務嘅網絡商,提供乜服務?咪就係 5G  網絡囉!其實,香港各大網絡商,都開始為建網做好預備,相信如政府預計,2019 年 4 月香港會出現商用嘅 5G 網絡,機會好大。當中,中國移動香港 CMHK 反應迅速,由宣傳到實際行動都有,我哋更得知,佢哋會係香港電器街即旺角西洋菜街,安裝5G 基站做測試,相信好快,我哋會有機會親身試到 5G 帶來嘅威力了。
     

    網絡商鬥 5G 部署!中國移動香港鬧市賣廣告 + 搶先建 5G 基站

    5G  年代,搶閘推廣

    計計下,原來香港推出 4G 服務都差不多有八年,隨住新技術開始成熟,一般估計香港會在 2019  年正式邁向 5G 。但要人人都知這個  5G 來臨 ,不是 4+1 同埋網速快咗咁簡單,大規模教育與宣傳唔少得。 中國移動香港成為香港第一間網絡商,直接用 5G  網絡作宣傳。若果大家近幾日有去西九龍高鐵站,或者早排過海時經過紅磡站,都會發現中國移動香港包起大大塊廣告版,廣告內容全部都跟佢地用 5G 建構智能城市有關。除了網速更快,5G網絡能支持龐大設備連接量,網絡時延又比起4G低好多,配合埋物聯網技術,就令到大規模嘅智能城市應用變得可行。
     

    開始測試 5G 技術

    雖然政府要在年底才正式指配首批 26 / 28GHz 頻段予網絡商鋪設  5G 網絡,但中國移動香港已搶先測試有關技術,已進行及完成嘅測試如下:

    001:在今年 7月率先完成 5G 網絡端到端測試,即是成功由手機/電腦終端經5G去上網,連結到互聯網的網站端。

    002:於今年 10 月在香港科學園設置全港商用 28GHz 5G 基站,展開非實驗室環境測試,成為首家在戶外環境測試商用5G 網絡設備的流動電訊商。


    003:正在旺角西洋菜街中國移動香港 CMHK 旗艦店安裝商用3.5GHz 的 5G基站,11月開始戶外環境測試。

    網絡商鬥 5G 部署!中國移動香港鬧市賣廣告 + 搶先建 5G 基站
     

    繼續發展 4.5G 網絡

    著力發展 5G 是否代表會冷待現時嘅 4.5G 網絡?當然唔係,據小編收風,最近中國移動香港 CMHK 有不少網絡上嘅升級,包括自 2017 年起積極改善港鐵站網絡,至今已完成17 個站的工程;喺郊野公園範圍安裝基站,改善鄉郊範圍的接收,亦係佢哋近年嘅重點網絡工程之一。

    網絡商鬥 5G 部署!中國移動香港鬧市賣廣告 + 搶先建 5G 基站
     

    期待 5G 的來臨

    5G 時代會喺未來數年來臨,網友之後會感受到網絡速度大為提升外,亦會見到更多智能城市的應用,網絡商如中國移動香港已準備就緒,相信香港用家,好快感受到 5G 網絡的好處。

    資料由客戶提供
    快加入會員賺 EP!累積點數、免費換優質商品

    立即加入Facebook 專頁,新聞/消息/優惠,最快知。

    01樓 ▲TOP 回列表頁