(以下文章,有好版主個人意見) 好似版主之前咁講,有線手機台其實係用中國移動香港網絡。但本來話佢哋全港最平嘅 4.5G 做賣點,就無發生過,因為根本唔會平得過宿主網絡 CMHK。佢哋有好多計劃,由$88 包 2Mbps 速度無限上網,去到 $188 包 4.5G 速度真無限上網,仲有大灣區計劃,都係跟 CMHK 同期嘅計劃無大分別,都係免行政費,部份計劃都係送大灣區數據。因為 CMHK 成日送積分,又可以變相減月費,呢個 i-Mobile 嘅賣點,就係會送埋一年嘅有線新聞、有線電視手機 App,同埋有線賽馬 App。過咗 12 月 1 日,呢嗰大贈送,仲係咪賣點?
▲ 佢哋其中嘅 4.5G 全速計劃,未計送 App,大致上同 CMHK 係一樣。呢度有連結
有線 Style
不過,最好笑係嘅係,佢哋官網都係攪錯晒....唔知點解,佢哋嘅錯,好有線 Style,直覺出現係有線寬頻系,係好正常。呢個真係好版主嘅個人感覺,唔知大家同唔同意。▲ 私人意見,嗰 Logo 好肉酸。
▲ 其實主力推佢哋嘅 App,係 12 月 1 日之前,我哋會推介。
▲ 平平地加送家居寬頻,OK!
▲ 錯晒,連官網資料都錯.....呢個 Plan 限速後最高 128kbps 唔係,係 128kpbs ?up乜嘢?
▲ 但另一份 PDF 又寫,指出用爆 20GB 只係網絡資源分配受影響,無講速度架喎。邊個真?
▲ 哈哈,其實香港有邊間網絡商,加陣唔可以上網攪晒上台手續,但有線好笑呀,攪完一輪,填晒資料,最後都要 Sales 再聯絡.....