網絡商免費送 30GB 5G 數據!有乜細節需要知道?
|
中國移動香港
CMHK 即日起推出派 SIM 活動,只要登記成為 MyLink 會員,就可以即時去門市或者自在點領取一張 MySIM,免費體驗首 30GB 5G 數據服務。
登一登記就唔煩嘅,不過我會比較留意,到底登記需要攞你咩資料?版主唔知,所以就親身試下,睇下需要乜資料。首先你要登記 MyLink 會員,需要你電話號碼同埋電郵,原本諗住會唔會可以用太空卡同假 Email 登記,無話唔得嘅,不過登記完 MyLink 會員,然後登記 MySIM,佢會要求埋你輸入你嘅姓名、身份證號碼、出生日期甚至住址證明,所以就算你唔用主號碼同埋真電郵登記,你都係要交出好多資料出去。想拎下著數嘢,代價就係以上嘅資料。
當然,若果你話,我又無乜所謂嘅,我就係要着數,咁你都可以按這裡登記。