快閃一日！7-11 便利店買 SIM 低至 77 折！$36 體驗 5G 數據你會考慮？

左定坤 (Cho Ting Kwan) 2022-07-11 17:35 | 中國移動香港

今日係 7 月 11 日，提到 7.11 你會諗起乜？我第一時間就會諗起 7-11 便利店，平時我會簡稱 Seven / 7 仔。雖然好似無乜關係，不過 7-11 便利店都趁機會推出「7.11 大折日」活動，將一系列手提電話儲值卡限時一日，低至 77 折出售，當中 5G 儲值卡只需 $36，就可以體驗到 5G 數據服務，呢個價錢你又會唔會考慮呢？即刻睇下有乜儲值卡減價啦！

7-11 大折日 儲值卡優惠高達 77 折

7-11 便利店推出「7.11 大折日」優惠活動，將一系列手提電話儲值卡限時一日減價，當中包括有 csl. 儲值卡、CMHK 儲值卡以及 AIRSIM，其中 csl. 就包括一張月卡同埋兩張年卡，月卡就有 6GB 數據，由建議零售價 $48 減至 $38，而年卡則有 10GB 同 28GB 選擇，分別由建議零售價的 $100 和 $180，減至 $88 以及 $144。

$36 即玩 5G 體驗

至於 CMHK 方面，除咗「一咭兩地儲值卡」以及「中國內地 365 日數據卡」由建議零售價嘅 $120 和 $238 減至 $92 和 $183，就連 5G MySIM 儲值卡都有減價，官網賣緊 $48，而家 7-11 便利店則賣 $36，買卡會送額外 3GB 90 日本地數據，平平地 $36 體驗下 5G，你又點睇？









來源：7-11