有線加入 5G 行列！推 iMobile 5G 手機台 平過 CMHK?
首先介紹一下最近新登場嘅手機台 iMobile，其實呢個手機台係出自有線，4.5G 年代已經曾經出現過，但推出之後到後期好似都無聲無氣咁，然而最近留意到佢哋又開始賣廣告，表示推出全新品牌：iMobile 5G，其實都係用返 4.5G 嗰陣個名，只係後面多個 5G，暫時主要賣兩個 Plan，10GB Plan 以及 20GB Plan，前者月費 $78，包 1000 通話分鐘，而後者月費則為 $108，包 2000 通話分鐘。無論 10GB 還是 20GB，其後都一樣可以 1Mbps 無限上網，而且攜號轉台有得免 $18 行政費。至於 iMobile 5G 用緊邊間網絡商，有傳就話係中國聯通，不過中國聯通都係租用緊 csl / 3HK 網絡，到底係租上租，定係另有內情，版主都仲「八卦」緊～ (問過相熟街站朋友，確認係中國聯通，咁即係租上租～）另外，新上台會再送 $50 Cable Shop 電子現金券，Cable Shop 係佢哋全新自己搞嘅網店，又係專賣 Gadget 或者家電產品，至於會唔會有比出面抵玩嘅手機優惠，版主會再研究下，如果有就會同大家分享，無就當過眼雲烟就算～
按這裡了解更多計劃詳情
CMHK 唔夠 iMobile 5G 平，但有出新招？
一向 Sell 平價抵玩嘅 CMHK，最低門檻 20GB Plan，簽約 24 個月，月費為 $125，限時送 20000 MyLink 積分，可當 $200 用來扣減月費，扣除優惠平均月費約 $117。扣哂優惠似乎都唔夠 iMobile 5G 平，不過近期佢哋推咗一個新招都有一定吸引力：每月加 $38，可以有「任用社交及娛樂數據組合」，呢個組合包括咗好多 App，當中有 WhatsApp、WeChat、Line、Telegram、Zoom、Teams、Youtube、Netflix、Apple TV、Facebook、抖音、JOOX、KKBOX、Instagram、MyTVSuper，支持嘅平台相當全面，又唔知會唔會殺出一條新嘅血路呢？網友又點睇？