認住佢！呢個品牌 s/ash 來自中國移動香港的 Young Line

Keith Yim 2023-05-22 21:22 | 中國移動香港

自由鳥有幾多年歷史？Mo SIM 又有多年？仲有近來變得低調的 ClubSIM 又有幾多年！呢啲手機網絡商副品牌，除咗數碼通的自由鳥仲有四圍賣廣告加海量 Promote ，3HK 的 Mo SIM 變為【街霸】專長；csl 嘅 ClubSIM 定位變得十分模糊，由以往是人人的第二張 SIM，不用簽約，變為【街霸】計劃，跟用同一網絡的 Sun Mobile 計劃「打大交」仲要加簽合約。這些品牌二奶台，老實一句：Out 咗啦。難得又有一個新品牌，S/ash。認住佢，佢其實係後知後覺的中國移動香港副線，會係五月底正式推出！


▲ 圖片由 DALL-E @ Bing 生成 

今日版主收到一個記者會通知，大約講於 5 月底的一個星期日，會有一個戶外音樂節，主辦單位叫 s/ash，他們用「全新線上流動電訊生活品牌 s/ash」來形容自己，音樂節其實同時宣佈呢個新嘅網絡副品牌。而版主再三問發出 Invitation 的單位，他們再透露：

「呢個係最新既電訊品牌，類似係 birdie ( 自由鳥）咁，target 年青人，全自助網上辦理，更高彈性，價格更透明，而且仲會有一系列啱年青人喜好既上台禮遇提供返。」

而版主再問過知情人士，確認呢個將會是中國移動香港 CMHK 的副品牌。所以，下次你再見到 S/ash 呢個品牌賣廣告，你唔駛估估下，佢母公司就係 CMHK，用嘅會係 CMHK 網絡。但會否似 SmarTone 嘅自由鳥、csl 嘅 ClubSIM 或者 3HK 嘅 MoSim 一樣，只有 4G 服務？還是直接出 5G 後生仔 Plan？後生仔 Plan 又唔貴得架喎，真係出 5G 嘅話，會否引來減價戰？大家息目而待啦。

Update: S/ash 會推出 5G 網絡服務 (23/5)